استاناداعى كورمەگە 40 پرەزيدەنت، 9 ۇكىمەت باسشىسى، 72 سىرتقى ىستەر ءمينيسترى كەلدى
بۇل تۋرالى حالىقارالىق كورمەلەر بيۋروسىنىڭ ارنايى كۇنى بارىسىندا ح ك ب باس حاتشىسىنىڭ ورىنباسارى ديميتريي كەركەنتزەس حابارلادى. ءوز سوزىندە باس حاتشىنىڭ ورىنباسارى قازاقستان رەسپۋبليكاسىنا ەكسپو-2017 كورمەسىن تابىستى وتكىزۋگە كومەك كورسەتكەندەرگە، سونداي- اق كورمە قوناقتارىنا العىس ءبىلدىردى.
ديميتريي كەركەنتزەس: «ەكسپو-2017 كورمەلەر تاريحىندا اسىل مۇرا قالدىرادى. كورمەگە كەلۋشىلەر اعىمداعى جىلدىڭ جاز ايلارىندا كورمەنىڭ اسەرلى ساۋلەت عيماراتتارى مەن قۇرىلىستارىن تاماشالادى. ح ك ب الداعى مامانداندىرىلعان كورمەلەرگە ەكسپو-2017 كورمەسىن ۇلگى تۇتادى. سوندىقتان، كورمە ۇيىمداستىرۋشىلارىن العىس بىلدىرەمىن. كورمەنىڭ ءساتتى وتكىزىلۋى - سىزدەردىڭ ادال ەڭبەكتەرىڭىزدىڭ ناتيجەسى»، - دەپ اتاپ ءوتتى.
ءوز كەزەگىندە «استانا ەكسپو-2017» ۇ ق» ا ق باسقارما ءتوراعاسى احمەتجان ەسىموۆ ەكسپو-2017 كورمەسىنە 115 مەملەكەت جانە 22 حالىقارالىق ۇيىم قاتىسقانىن اتاپ ءوتتى. كورمەنىڭ ءۇش اي جۇمىسى ارالىعىندا 40 مەملەكەت باسشىلارى، 9 ۇكىمەت باسشىلارى، 72 سىرتقى ىستەر مينيسترلەرى كورمەگە ارنايى قاتىسۋ ماقساتىندا رەسمي ساپارمەن كەلدى. احمەتجان ەسىموۆ جوبانىڭ بارلىق سەرىكتەستەرىنە ەكسپو-2017 كورمەسىنە دايىندىق جانە ونى تابىستى وتكىزۋگە قوسقان ۇلەسى ءۇشىن العىس ءبىلدىردى.
- بۇگىنگى كۇنى اتالعان اۋقىمدى جوبا ەل ەكونوميكاسىنا وڭ اسەرىن تيگىزدى جانە شامامەن 50000 جاڭا جۇمىس ورىندارىن اشۋعا مۇمكىندىك بەردى. كورمەلەردىڭ تاجىريبەلەرىنە جاسالعان جەتە تالداۋ بارىسىندا اتالعان اۋقىمدى جوبالار مۇرالارىنىڭ ماڭىزى زور ەكەندىگىن بايقادىق. قازىرگى كەزدە ەكسپو- دان كەيىنگى كەزەڭنىڭ باعدارلاماسى اياقتالۋعا جاقىن. كورمەنىڭ ءاربىر شارشىمەترىن الداعى ۋاقىتتا ماقساتتى قولدانۋ جونىندە ناقتى جوسپار بەكىتىلگەن. ەڭ باستىسى، 4 ميلليون كورمە قوناقتارى كورمەدەن ۇمىتىلماس اسەر الدى. حالىقارالىق پاۆيلوندارعا كەلۋشىلەردىڭ سانى 30 ميلليوندى قۇرادى جانە اتالعان كورسەتكىش ءۇشىن قاتىسۋشى مەملەكەتتەر ۇسىنعان قىزىقتى كونتەنتكە العىس بىلدىرەمىن، - دەپ اتاپ ءوتتى احمەتجان ەسىموۆ.
ح ك ب ارنايى كۇنىنىڭ مادەني باعدارلاماسى اياسىندا استانا، قىتاي، بىرىككەن اراب امىرلىگىنەن شىعارماشىلىق ۇجىمدار ونەر كورسەتتى. ەستەرىڭىزگە سالايىق، حالىقارالىق كورمەلەر بيۋروسى (ح ك ب) حالىقارالىق قوعامداستىق مۇددەسىنە سايكەس 170 مۇشە مەملەكەتتەردىڭ حالىقارالىق كورمەلەردى باسقارۋ جانە باقىلاۋ جونىندەگى نيەتتەرىن جۇزەگە اسىراتىن ۇكىمەتارالىق ۇيىم بولىپ تابىلادى. 2012 -جىلى ح ك ب- عا مۇشە مەملەكەتتەر قازاقستان رەسپۋبليكاسىن ەكسپو-2017 مامانداندىرىلعان كورمەسىن وتكىزۋشى ەل رەتىندە تاڭدادى.
ەركىن قالدان
«ايقىن» گازەتى
