قازاقستاندا الداعى كۇندەرى 40-45 گرادۋس اياز بولادى

استانا. قازاقپارات - قازگيدرومەت كۇننىڭ كۇرت سۋىتۋىنا بايلانىستى ەسكەرتۋ جاريالادى، دەپ حابارلايدى «قازاقپارات» ح ا ا.

«قازاقستان اۋماعىنان اكتيكالىق انتيتسيكلونداردىڭ وتۋىنە بايلانىستى ءبىرقاتار وبلىستاردا قاتتى اياز كۇتىلۋدە. وسىعان بايلانىستى ەلىمىزدە ەسكەرتۋ جاريالاندى.

22-26- قاڭتار ارالىعىندا اقمولا، سولتۇستىك قازاقستان، پاۆلودار، قاراعاندى، شىعىس قازاقستان وبلىستارىندا تۇندە -35-40 گرادۋستىق قاتتى اياز كۇتىلۋدە.

24-26- قاڭتار كۇندەرى كەي جەرلەردە -45 گرادۋس، كۇندىز -27-32، كەي جەرلەردە -35 گرادۋس قاتتى اياز بولادى»، - دەلىنگەن سينوپتيكتەردىڭ حابارلاماسىندا.

قازگيدرومەتتىڭ اقپاراتى بويىنشا، 22-26- قاڭتار ارالىعىندا قوستاناي وبلىسىندا تۇندە -33-38، كۇندىز -20-25 گرادۋس قاتتى اياز بولۋى ىقتيمال.

استانادا 23-26- قاڭتاردا تۇندە -35-40، كۇندىز -27-32- گرادۋستىق قاتتى اياز بولۋى مۇمكىن.