ق ر- دا ينۆەستيتسيالارىنىڭ قۇنى 40 ميلليارد دوللاردان اساتىن 100 كومپانيامەن كەلىسسوزدەر جۇرگىزىلىپ جاتىر
ق ر ينۆەستيتسيا جانە دامۋ مينيسترلىگى مەن شەتەلدىك ينۆەستورلار اراسىنداعى كەلىسىمدەرىنىڭ جالپى قۇنى 18 ميلليارد دوللاردان اسادى.
ق ر ينۆەستيتسيا جانە دامۋ ءمينيسترى اتاپ وتكەندەي، قازاقستان ايماقتاعى ينۆەستيتسيا كولەمى ءوسىپ كەلە جاتقان مەملەكەتتەردىڭ ءبىرى بولىپ تابىلادى. وعان ساۋاتتى ينۆەستيتسيالىق ساياسات سەپ بولدى. ناۋرىز ايىندا قول قويۋ جوسپارلانىپ وتىرعان كەلىسىمدەردىڭ جالپى قۇنى 18 ميلليارد دوللاردان اسادى.
«جاڭا جۇيە بويىنشا جۇمىس باستالدى. بۇگىن ق ر ي د م ينۆەستورلارىنا ارنالعان «ءبىر تەرەزە» جوباسى بويىنشا ۇكىمەت قاۋلىسى قابىلداندى. ءبىز ق ر س ءى م ارقىلى بارلىق ەلشىلەرمەن، بارلىق مينيسترلىكتەرمەن، ۇلتتىق كومپانيالارمەن جانە اكىمدىكتەرمەن بەلسەندى تۇردە جۇمىس جاساپ جاتىرمىز. بيىل جۇيەلى شارالاردان باسقا ەكى باعىتقا نازار اۋدارامىز»، - دەدى ول.
وسىلايشا، ءبىرىنشى باعىت اياسىندا ەكونوميكانىڭ باسىم باعىتتارى بويىنشا ەكىنشى بەسجىلدىقتى جۇزەگە اسىرۋعا نيەتتى ينۆەستورلارمەن كەلىسسوزدەر جالعاساتىن بولادى. ولار - ينۆەستيتسيا كولەمى 40 ميلليون دوللاردان اساتىن 100 گە جۋىق كومپانيا.
«ولاردىڭ 60 سى يندۋستريالاندىرۋ كارتاسىنا ەنگەن، ولاردىڭ 10 ىمەن جاڭا زاڭناماعا سايكەس ينۆەستيتسيالىق كەلىسىم-شارتقا قول قويۋدى جوسپارلاپ وتىرمىز. 100 ينۆەستوردىڭ 42 ءسى ەۆروپادان، 44 ءى وڭتۇستىك شىعىس ازيادان، 5 ەۋى ا ق ش-تان، 7 ەۋى - اراب ەلدەرىنەن. مەتاللۋرگيا، ەنەرگەتيكا سالاسى بويىنشا - 26، قۇرىلىس يندۋسترياسى - 23، فارماتسيەۆتيكا، دەنساۋلىق ساقتاۋ بويىنشا - 19، حيميا -16، ماشينا جاساۋ - 16، مۇناي وڭدەۋ بويىنشا - 5 كومپانيا»، - دەدى ول.
