حال ۇستىندەگى اجەسىنە كومەك سۇراعان 4 جاسار قىز ۇسكىرىك ايازدا 8 شاقىرىم جولدى ءجۇرىپ وتكەن

استانا. قازاقپارات - رەسەيدىڭ تۋۆا ايماعىندا 4 جاسار قىز ءوزىنىڭ حال ۇستىندە جاتقان اجەسىنە كومەك سۇراۋ ءۇشىن ۇسكىرىك ايازدا 4 ساعات بويى ۇزدىكسىز ءجۇرىپ، 8 ك م جولدى باسىپ وتكەن.

بۇل تۋرالى وڭىرلىك توتەنشە جاعدايلار قىزمەتىنە سىلتەمە جاساي وتىرىپ FlashSiberia حابارلادى. وندا جاريالانعان اقپاراتتار بويىنشا، ءوزىنىڭ اجەسىمەن جانە زاعيپ اتاسىمەن بىرگە تۇرىپ جاتقان سالگانا سالچاك اجەسىنىڭ قيمىلسىز قالعانىن بايقاعان.

بۇل تۋرالى ول اتاسىنا ايتقان. الايدا ەشقانداي كومەك كورسەتە المايتىنىن بىلگەن قارت قىزدى كورشىلەردەن كومەك سۇراۋعا جىبەرەدى، دەپ جازدى لەنتا رۋ.

سالگانا بولسا، ۇسكىرىك ايازدا شوپانداردىڭ تۇراعىنا جەتىپ، تۇرعىنداردى كومەككە شاقىرادى. الايدا كورشىلەرى مەن دارىگەرلەر كومەككە كەلگەنشە ونىڭ اجەسى قايتىس بولىپ كەتكەن. الدىن الا مالىمەتتەر بويىنشا، قارت ايەلدىڭ ولىمىنە ينفاركت سەبەپ بولعان. توتەنشە جاعدايلار مينيسترلىگىنىڭ وكىلى قىزدى ناگراداعا ۇسىنعىلارى كەلەتىنىن ايتقان. قازىرگى تاڭدا ول اۋرۋحانادا جاتىر.