شاعىن جانە ورتا بيزنەستە جۇمىس ىستەيتىندەر سانى 4،7 ميلليونعا جەتەدى – ءاليحان سمايىلوۆ

استانا. قازاقپارات – بيزنەس-ورتانى رەتتەۋدىڭ «تازا پاراقتان» رەفورماسى 2030 -جىلعا قاراي شاعىن جانە ورتا بيزنەستە جۇمىس ىستەيتىندەر سانىن 4،7 ميلليون ادامعا جەتكىزۋگە مۇمىندىك بەرەدى. پرەمەر-مينيستر ءاليحان سمايىلوۆ ۇكىمەت وتىرىسىنداي وسىنداي دەرەك ايتتى، دەپ حابارلايدى قازاقپارات ءتىلشىسى.

«جالپى، «تازا پاراقتان» رەفورماسى بيزنەس-ورتانى رەتتەۋدىڭ تيىمدىلىگىن ارتتىرىپ، كاسىپكەرلىكتى دامىتۋعا قولايلى جاعداي جاسايدى. سوندىقتان وسى باعىتتا بىرلەسكەن جۇمىستاردى ءارى قاراي جالعاستىرامىز»، - دەدى ۇكىمەت باسشىسى.
ونىڭ سوزىنشە، ۇكىمەت بيزنەستىڭ سىندارلى ۇسىنىستارىن قولداۋعا دايىن ەكەنىن كاسىپكەرلەر سەزىنە الۋى كەرەك.
«بيزنەستىڭ تۇراقتى دا تابىستى قىزمەتىنە ءبىرىنشى كەزەكتە مەملەكەتتىڭ ءوزى مۇددەلى. كاسىپكەرلەر وسىنى سەزىنۋى كەرەك. اتقارىلعان جۇمىستار 2029 -جىلعا قاراي شاعىن جانە ورتا بيزنەستە جۇمىس ىستەيتىندەر سانىنىڭ 4،7 ميلليون ادامعا دەيىن وسۋىنە جانە مەملەكەتتىڭ ەكونوميكاداعى ۇلەسىن %14 -كە دەيىن تومەندەتۋگە مۇمكىندىك بەرەدى»، - دەدى ءاليحان سمايىلوۆ.
اۆتور
ەسىمجان ناقتىباي