بىلتىر ت م د ەلدەرىنىڭ بىرلەسكەن جالپى ىشكى ءونىمى 4,7 پايىزعا ءوستى
كەڭەس بارىسىندا كوپجاقتى ەكونوميكالىق ىنتىماقتاستىق ماسەلەلەرى قارالدى.
دەلەگاتسيالار ەكونوميكالىق ءوزارا ءىس-قيمىلدىڭ وزەكتى پروبلەمالارى بويىنشا پىكىر الماستى.
ت م د مەملەكەتارالىق ستاتيستيكا كوميتەتىنىڭ ءتوراعاسى كونستانتين لايكام ت م د مەملەكەتتەرىنىڭ 2021-جىلعى ەكونوميكاسىنىڭ نەگىزگى ماقساتتى ماكروەكونوميكالىق كورسەتكىشتەرى تۋرالى اقپاراتتى ۇسىندى.
2021-جىلى ت م د- عا قاتىسۋشى مەملەكەتتەردىڭ بىرلەسكەن جالپى ىشكى ءونىمى الدىن الا باعالاۋ بويىنشا %4,7 عا وسكەن (2020-جىلى ول %2,5 عا ازايعان ەدى).
بۇل كورسەتكىشتەردى تالداۋ ناتيجەلەرى دوستاستىق شەڭبەرىندە ماكروەكونوميكالىق تۇراقتىلىقتى ساقتاۋعا، سىرتقى ساۋدا بايلانىستارىن نىعايتۋعا، مەملەكەتتىك قارجى مەن قارجى نارىعىنىڭ تۇراقتىلىعىنا باعىتتالعان ءىس-شارالاردى دايىنداۋ مەن ىسكە اسىرۋ كەزىندە پايدالانىلادى.
وتىرىس بارىسىندا ت م د- عا قاتىسۋشى مەملەكەتتەردىڭ قازىرگى ەكونوميكالىق جاعدايىنا جانە تۋىنداعان پروبلەمالارعا ارەكەت ەتۋدىڭ بىرلەسكەن شارالارىن قاراۋعا ەرەكشە نازار اۋدارىلدى.
مۇندا ت م د اتقارۋشى كوميتەتى ءتوراعاسىنىڭ ورىنباسارى يلحوم نەماتوۆ بايانداما جاسادى.
سوڭعى ەكى جارىم ايدا ت م د مەملەكەتتەرىنىڭ جانە اتقارۋشى كوميتەتىنىڭ سالالىق ورگاندارى مەن جاۋاپتى وكىلدەرى ءوزارا ساۋدا، كولىك، ەنەرگەتيكا، ونەركاسىپ، اگروونەركاسىپتىك كەشەن، قارجى جانە باسقا ءوزارا ءىس-قيمىلدىڭ باسىم باعىتتارى بويىنشا ناقتى شارالار تىزبەسىن بىرلەسىپ ازىرلەپ، ماقۇلداعان.
قۇجات سالالىق ىنتىماقتاستىق ورگاندارىنىڭ ۇلتتىق ەكونوميكالاردىڭ ورنىقتى ءوسۋىن قامتاماسىز ەتۋ جونىندەگى ودان ارعى قادامداردى ىسكە اسىرۋى ءۇشىن نەگىز بولۋعا ءتيىس.
