جارتى جىلدا مەديتسينا ساپاسىنا 4,6 مىڭنان استام شاعىم تۇسكەن

None
استانا. قازاقپارات - ەلىمىزدە بيىل 6 ايدىڭ ىشىندە مەديتسينالىق قىزمەتتىڭ ساپاسىزدىعىنا قاتىستى 4649 شاعىم جاسالعان، دەپ حابارلايدى قازاقپارات ءتىلشىسى دەنساۋلىق ساقتاۋ مينيسترلىگىنە سىلتەمە جاساپ.

«مەديتسينالىق قىزمەت كورسەتۋ سالاسىنداعى مەملەكەتتىك باقىلاۋ زاڭبۇزۋشىلىقتاردىڭ الدىن الۋعا، انىقتاۋعا جانە جولىن كەسۋگە باعىتتالعان. مەملەكەتتىك باقىلاۋ مەديتسينالىق قىزمەتتەردىڭ ساپاسىنا ساراپتاما ارقىلى جاسالادى. 2023-جىلدىڭ 1- جارتىسىندا كوميتەت جانە ونىڭ اۋماقتىق دەپارتامەنتتەرى 4649 ءوتىنىش-شاعىمدى قاراپ، 1138 جوسپاردان تىس تەكسەرۋ جۇرگىزدى. مەديتسينالىق قىزمەتتەر ساپاسى بويىنشا جوسپاردان تىس تەكسەرۋ كاسىپكەرلىك كودەكسىنىڭ 144-بابىنىڭ 5-تارماعىمەن، سونداي-اق جەكە جانە زاڭدى تۇلعالاردىڭ ءوتىنىشى بويىنشا دالەلدى نەگىزدەر ارقىلى جۇزەگە اسادى»، - دەلىنگەن اقپاراتتا.

مينيسترلىكتىڭ حابارلاۋىنشا، ازاماتتاردىڭ ارىز-شاعىمى قارالعاننان كەيىن 10 كۇننىڭ ىشىندە ءتيىستى شارا قابىلدانۋى ءتيىس.

«مەديتسينا نەمەسە فارماتسيەۆتيكا قىزمەتكەرىنىڭ كاسىپتىك مىندەتتەرىنە سالعىرت قاراۋى نەمەسە ولاردى ورىنداماۋى، قاساقانا نەمەسە ابايسىزدا ادامنىڭ دەنساۋلىعىنا زيان كەلتىرگەن جاعدايدا قىلمىستىق جاۋاپكەرشىلىك قاراستىرىلعان»، - دەيدى ۆەدومستۆودان.

بۇعان دەيىن شەت مەملەكەتتەرگە بارىپ كەلگەن وتانداستارىمىزدىڭ كوبىندە قانداي اۋرۋ، ينفەكتسيا نەمەسە ۆيرۋس جۇقتىرىپ كەلەتىنىن حابارلاعان ەدىك.

سوڭعى جاڭالىقتار