الداعى 4 جىلدا اۋىلدارداعى ينفراقۇرىلىمعا 670 ميلليارد تەڭگە بولىنەدى

«2022 -جىلى دامۋ الەۋەتى بار 492 اۋىلدا 914 جوبانى ىسكە اسىرۋعا 100 ميلليارد تەڭگە ءبولىندى. بۇل قاراجات تۇرعىن ءۇي- كوممۋنالدىق شارۋاشىلىق سالاسىندا 95 جوبانى، 313 الەۋمەتتىك ينفراقۇرىلىمدى، ونىڭ ىشىندە 123 ءبىلىم بەرۋ جوباسىن، 51 دەنساۋلىق، 62 مادەنيەت جانە 77 سپورت جوباسىن ىسكە اسىرۋعا مۇمكىندىك بەرەدى. سونىمەن قاتار، 506 كولىك ينفراقۇرىلىمى جوباسى جۇرگىزىلەتىن بولادى»، - دەدى ءا. قۋانتىروۆ.
ونىڭ ايتۋىنشا، مەملەكەت باسشىسىنىڭ تاپسىرماسىنا سايكەس، «اۋىل - ەل بەسىگى» باتىس جانە وڭتۇستىك وبلىستارعا حالىقتى الەۋمەتتىك- مادەني، سپورت جانە ءبىلىم بەرۋ ينفراقۇرىلىمىن دامىتۋ ءۇشىن 20 ميلليارد تەڭگە كولەمىندە قاراجات ءبولۋ جوسپارلانۋدا. بولىنەتىن قاراجات اياسىندا مەكتەپتەر، اۋرۋحانالار، مادەنيەت ۇيلەرى، سپورت نىساندارىن سالۋ، قايتا جاڭعىرتۋ جانە جوندەۋ بويىنشا جوبالار تاڭدالدى.
«وزدەرىڭىزگە بەلگىلى، قاراجات ءبولۋ ماسەلەسى 2022 -جىلعا ارنالعان رەسپۋبليكالىق بيۋدجەتتى ناقتىلاۋ اياسىندا پارلامەنتتە قارالىپ جاتىر. ينفراقۇرىلىمدىق دامۋ جونىندەگى ءىس- شارالاردى ىسكە اسىرۋ وڭىرلىك ستاندارتتار جۇيەسىنە سايكەس جۇزەگە اسىرىلاتىن بولادى. قازىرگى ۋاقىتتا، وڭىرلىك ستاندارتتاردا اۋىلدار ءۇشىن 12 كورسەتكىش (وبەكتىلەر/قىزمەتتەر) قاراستىرىلعان، اۋىلدىق وكرۋگ ورتالىقتارىنا – 24، اۋدان ورتالىقتارىنا - 32. 2021 -جىلدىڭ قورىتىندىسى بويىنشا وڭىرلىك نورماتيۆتەرگە سايكەس، اۋىلداردى ستاندارتتاردىڭ ورتاشا قامتاماسىز ەتۋ % 64,1- دى قۇرادى. ونىڭ ەڭ جوعارى كورسەتكىشى اتىراۋ، ماڭعىستاۋ، قوستاناي، سولتۇستىك قازاقستان وبلىستارىندا بايقالدى. تومەن كورسەتكىشتەر قىزىلوردا، بقو، الماتى وبلىسىندا بايقالادى»، - دەدى مينيستر.
ونىڭ سوزىنە قاراعاندا، جالپى جوبانى جۇزەگە اسىرۋدىڭ ءۇش جىلى ىشىندە 206 ميلليارد تەڭگە ءبولىندى.
«الداعى 4 جىلدا اۋىلدى ەلدى مەكەندەردىڭ ينفراقۇرىلىمدىق ماسەلەلەرىن شەشۋگە تاعى 670 ميلليارد تەڭگە قاجەت ەتەدى. بۇل 3,5 مىڭنان استام اۋىلداعى 7 ميلليون اۋىل تۇرعىنىنىڭ ءومىر ءسۇرۋ دەڭگەيىن جاقسارتۋعا مۇمكىندىك بەرەدى»، - دەدى ءا. قۋانتىروۆ.
بۇدان بۇرىن حابارلانعانداي، «اۋىل - ەل بەسىگى» جوباسى اياسىندا دامۋ الەۋەتى بار 3,5 مىڭ اۋىل تاڭدالدى . 2019 -جىلى ەلىمىزدە «اۋىل - ەل بەسىگى» باعدارلاماسى ىسكە اسىرىلا باستادى . ونىڭ باستى ماقساتى - اۋىلداعى ادامداردىڭ ءومىرىن جاقسارتۋ. جول قۇرىلىسى، سۋمەن قامتاماسىز ەتۋ، دەنساۋلىق ساقتاۋ، ءبىلىم بەرۋ، مادەنيەت، سپورت نىساندارىن قايتا جاڭارتۋ جانە جاڭا نىساندار سالۋ، جۇمىس ورىندارىن قۇرۋ - وسىنىڭ بارلىعى اتالعان باعدارلامانى ىسكە اسىرۋدى كوزدەيدى.
اۆتور: رۋسلان عابباسوۆ