قازاقستاندا پاتەنت الۋعا ءوتىنىش بەرگەن ونەرتاپقىشتار سانى 4,4 پايىزعا ءوستى

استانا. قازاقپارات - قازاقستاندىق عالىمدار مەن ونەرتاپقىشتار اراسىندا ەڭبەگىن پاتەنتتەۋگە نيەت بىلدىرگەندەر قاتارى ارتىپ كەلەدى، دەپ حابارلايدى قازاقپارات ءتىلشىسى.

«پاتەنتتىك بەلسەندىلىكتى تالداۋ ۇلتتىق زياتكەرلىك مەنشىك ينستيتۋتىنىڭ رەسمي اقپاراتى نەگىزىندە جۇرگىزىلدى. زياتكەرلىك مەنشىك سالاسىنداعى قىزمەتتى ساندىق باعالاۋ ءۇشىن ءجيى قولدانىلاتىن وتىنىمدەر تۋرالى مالىمەتتەرگە نازار اۋدارىلادى. جالپى رەسپۋبليكا بويىنشا 2021-جىلى پاتەنتتىك بەلسەندىلىك %4,4 عا ءوستى جانە ونىڭ الدىنداعى جىلمەن سالىستىرعاندا 1,7 پايىزدىق تارماققا ءوستى. وتىنىمدەردىڭ نەگىزگى ۇلەسى، ياعني 84,8 پايىزى تاۋار بەلگىلەرىنە تيەسىلى»، - دەلىنگەن قازاقپارات ءتىلشىسىنىڭ ساۋالىنا وراي بەرىلگەن عىلىم جانە ءبىلىم مينيسترلىگىنىڭ جاۋابىندا.

ايتا كەتەيىك، ەلىمىزدە پاتەنتتى ادىلەت مينيسترلىگىنىڭ ۇلتتىق زياتكەرلىك مەنشىك ينستيتۋتى (ۇ ز م ي) تىركەيدى.

سونىمەن قاتار مينيسترلىك كەيىنگى ەكى جىلدا قازاقستاندىق عالىمدار ويلاپ تاپقان جاڭالىقتارمەن دە ءبولىستى.