قازاقستاندىقتاردىڭ ءومىر ءسۇرۋ ۇزاقتىعى 4,4 جىلعا ءوستى

استانا. قازاقپارات - تاۋەلسىزدىك جىلدارىندا قازاقستاندىقتاردىڭ ءومىر ءسۇرۋ ۇزاقتىعى 4,4 جىلعا ۇلعايىپ، 2015 -جىلدىڭ ناتيجەسى بويىنشا 72 جاستى قۇرادى (1991 -جىلى بۇل كورسەتكىش 67,6 بولاتىن).
None
None

مۇنداي كورسەتكىشكە ق ر دەنساۋلىق ساقتاۋ سالاسىن دامىتۋدىڭ 2011-2015 -جىلدارعا ارنالعان «سالاماتتى قازاقستان» جانە دەنساۋلىق ساقتاۋ سالاسىن رەفورمالاۋدىڭ 2005-2010 -جىلدارعا ارنالعان مەملەكەتتىك باعدارلامالارىن ءساتتى جۇزەگە اسىرۋ ناتيجەسىندە قول جەتكىزىلدى.

حالىقتىڭ تۋۋ كورسەتكىشى 8,2 پايىزعا ءوستى، ول 2015 -جىلدىڭ ناتيجەسى بويىنشا 1000 تۇرعىنعا شاققاندا 22,72- ءنى قۇرادى (1991 -جىلى - 21) .

انا مەن ءسابي ءولىمى سايكەسىنشە 5,4 جانە 3 ەسەگە تومەندەدى (1991 -جىلى انا ءولىمى - 100 مىڭ ءتىرى تۋعانعا شاققاندا 67,2-دەن 2015 -جىلى 12,5-گە دەيىن، ءسابي ءولىمى - 1991 -جىلى 100 مىڭ ءتىرى تۋعاندارعا شاققاندا 27,4-تەن 2015 -جىلى 9,39-عا دەيىن).

تاۋەلسىزدىك جىلدارىندا جالپى ءولىم- ءجىتىم كورسەتكىشى % 6- عا تومەندەدى (1000 تۇرعىنعا شاققاندا 1991 -جىلى 8-دەن 2015 -جىلى 7,52-گە دەيىن) . بۇل كورسەتكىش نەگىزگى سەبەپتەردەن تۋىندايتىن ءولىم- ءجىتىمدى ازايتۋ ارقىلى جۇزەگە استى: قان اينالىمى جۇيەسىنەن بولاتىن ءولىم 1,9 ەسەگە (1991 -جىلى 100 مىڭ تۇرعىنعا شاققاندا 361-دەن 2015 -جىلى 193,8-گە دەيىن) ، قاتەرلى ىسىك اۋرۋلارىنان %33- عا (1991 -جىلى 100 مىڭ تۇرعىنعا شاققاندا 137,4-تەن 2015 -جىلى 92-گە دەيىن) ، قايعىلى وقيعالار سالدارىنان، جاراقاتتانۋ مەن ۋلانۋدان % 23,1- عا (1991 -جىلى 100 مىڭ تۇرعىنعا شاققاندا 107,3-تەن 2015 -جىلى 82,5-كە دەيىن) تومەندەدى.

ەستەرىڭىزگە سالا كەتەيىك، 2020 -جىلعا دەيىن ءومىر ءسۇرۋ ۇزاقتىعىن 73 جاسقا دەيىن ۇلعايتۋ - «دەنساۋلىق» باعدارلاماسىنىڭ ماقساتتى ينديكاتورى بولىپ تابىلادى.

سوڭعى جاڭالىقتار