قازاقستان ەكونوميكاسىنىڭ بارلىق سالالارىندا 4,4 ميلليون نازىك جاندى ەڭبەك ەتۋدە
بۇل تۋرالى بۇگىن ايەلدەر كاسىپكەرلىگىن دامىتۋعا ارنالعان بيزنەس-فورۋمدا ق ر دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ءبىرجان نۇرىمبەتوۆ ءمالىم ەتتى.
«وتكەن جىلدىڭ قورىتىندىسى بويىنشا، ايەلدەر جۇمىسسىزدىعى دەڭگەيى 5,7 پايىزدى قۇرادى. ەلىمىزدىڭ ەكونوميكاسىندا 4000400 ايەل ەڭبەكپەن قامتىلعان، بۇل ءوز كەزەگىندە جۇمىسپەن قامتىلعان حالىقتىڭ 49 پايىزىن قۇرايدى. نازىك جاندىلار ەكونوميكانىڭ بارلىق سالالارىندا جۇمىس ىستەيدى، دەگەنمەن دە ولاردىڭ سانى بۇرىنعىسىنشا دەنساۋلىق ساقتاۋ، ءبىلىم بەرۋ، الەۋمەتتىك قىزمەتتەردى كورسەتۋ مەن ساۋدا سالالارىندا كوبىرەك. سوندىقتان دا مەملەكەت تاراپىنان جۇمىسپەن قامتۋدا جاردەمدەسۋ شارالارىن اتقارۋ ماڭىزدى بولىپ تابىلادى، ونىڭ ىشىندە ايەلدەر كاسىپكەرلىگىن دامىتۋ ماڭىزدى»، - دەدى ب. نۇرىمبەتوۆ.
وسى رەتتە ۆيتسە-مينيستر بۇل باعىتتاعى شارالار «جۇمىسپەن قامتۋدىڭ جول كارتاسى - 2020» اياسىندا 2011-جىلدان بەرى جۇزەگە اسىرىلىپ كەلە جاتقانىن ەسكە سالىپ ءوتتى. باعدارلاماعا قاتىسۋدا ايەلدەر باسىمدىققا يە بولىپ وتىر. وسى جىلدارى باعدارلاماعا قاتىسقان 300 مىڭعا جۋىق ادامنىڭ ىشىندە 49 پايىزىن نازىك جاندىلار قۇرادى.
اۆتور: رۋسلان عابباسوۆ
