تالعات ەرمەگيايەۆ 4,2 ميلليارد تەڭگە كولەمىندە قارجى جىمقىردى دەپ ايىپتالۋدا
بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ماسليحاتىندا ق ر مەملەكەتتىك قىزمەت جانە سىبايلاس جەمقورلىققا قارسى ءىس-قيمىل اگەنتتىگىنىڭ اپپارات باسشىسى ايگۇل شايىموۆا ءمالىم ەتتى.
«تالعات ەرمەگيايەۆ «استانا ەكسپو-2017» ۇلتتىق كومپانياسىنىڭ ءبىرقاتار لاۋازىمدى تۇلعالارىمەن جانە مەردىگەر كومپانيالارىنىڭ باسشىلارىمەن بىرگە اسا ءىرى كولەمدە اقشا جىمقىردى دەپ كۇدىكتەلۋدە. قازىرگى ۋاقىتتا تەرگەۋ امالدارى كەزىندە ەرمەگيايەۆ جىمقىرىلعان قاراجاتتىڭ ىشىنەن زاڭسىز سىياقى ەسەبىندە 4,2 ميلليارد تەڭگە كولەمىندە قارجى العان. قازىرگى كەزدە 10 ادام قاماۋعا الىندى»، - دەپ اتاپ ءوتتى ول.
تالعات ەرمەگيايەۆ ق ر ق ك 176-بابىنىڭ 4-تارماعى بويىنشا (وزگەنىڭ مۇلكىن جىمقىرۋ) كۇدىكتى رەتىندە تانىلىپ وتىر. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلۋدە.
ەسكە سالا كەتەيىك، بۇدان بۇرىن «استانا ەكسپو-2017» قۇرىلىس دەپارتامەنتىنىڭ بۇرىنعى ديرەكتورى قاجىمۇرات ۇسەنوۆ ۇستالىپ، ءۇي قاماققا الىنعان بولاتىن.
11- ماۋسىمدا مەملەكەت باسشىسى نۇرسۇلتان نازاربايەۆتىڭ وكىمىمەن تالعات امانگەلدى ۇلى ەرمەگيايەۆ «استانا ەكسپو-2017» ۇلتتىق كومپانياسى» اكسيونەرلىك قوعامىنىڭ باسقارما ءتوراعاسى قىزمەتىنەن بوساتىلدى. «استانا ەكسپو-2017» ۇ ك» اق باسقارما ءتوراعاسى لاۋازىمىنا ەلوردا اكىمى ادىلبەك جاقسىبەكوۆ تاعايىندالدى.
