شىعىس قازاقستاندا كەنە شاققان ادام سانى 3 مىڭنان استى
ش ق و سانيتاريالىق-ەپيدەميولوگيالىق باقىلاۋ دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، وڭىردە كەنەنىڭ تارالۋ ماۋسىمى ءساۋىر ايىندا باستالعان.
سودان بەرى 3083 ادامدى كەنە شاقتى. كەنەدەن زارداپ شەككەندەردىڭ ەڭ كوبى وسكەمەن قالاسىندا (44 پايىز)، ودان كەيىن ريددەردە (21 پايىز)، التاي اۋدانىندا (12 پايىز) جانە كاتونقاراعاي اۋدانىندا (11,5 پايىز).
«التى ادام كەنە ەنسەفاليتىمەن اۋىردى. ولار تاۋلى ءۇلبى اۋىلىنىڭ، ريددەر قالاسىنىڭ، كامەنكا جانە ۋرۋنحايكا اۋىلدارىنىڭ تۇرعىندارى. 6 ادامنىڭ تەك بىرەۋى عانا دەر كەزىندە مەديتسينالىق كومەككە جۇگىنگەن»، - دەلىنگەن اقپاراتتا.
ايتا كەتەيىك، شىعىس قازاقستان وبلىسى رەسپۋبليكادا كەنە ەنسەفاليتىن جۇقتىرۋ قاۋپىنىڭ «جوعارى» ايماعىنا جاتادى. وڭىردە اۋرۋشاڭدىق دەڭگەيى قازاقستان بويىنشا ورتاشا كورسەتكىشتەن 4,1 ەسە جوعارى.
