الماتىدا زاڭسىز سالىنىپ جاتقان تاعى 3 تۇرعىن ءۇي كەشەنى تابىلدى

الماتى. قازاقپارات - الماتىدا تاعى دا ءبىرقاتار زاڭسىز سالىنىپ جاتقان تۇرعىن ءۇي كەشەنى انىقتالدى، دەپ حابارلايدى قازاقپارات ءتىلشىسى.

قالا قۇرىلىسىن باقىلاۋ باسقارماسىنىڭ مالىمەتىنشە، تۇرعىن ءۇي كەشەندەرىنىڭ قۇرىلىسقا قاجەتتى تولىق قۇجاتتارى جوق.

ORDA CITY» تۇرعىن ءۇي كەشەنى. تەرەكتى ىقشاماۋدانى، اينالمالى كوشەسى، 183 مەكەنجايىندا ورنالاسقان. تاپسىرىس بەرۋشى: «ynvestment Stroy» ج ش س.

قۇرىلىس-مونتاجداۋ جۇمىستارىنىڭ باستالۋى تۋرالى حابارلاما جانە جوبا الدىنداعى قۇجاتتاماسى جوق، ۋچاسكەنى پايدالانۋ ماقساتى –ج ت ءۇ ق.

باسقارما قۇرىلىس سالۋشىعا ق ر ا ق ب ت ك- ءنىڭ 316- باپتىڭ 1-بولىگى، 321- باپ بويىنشا شارا قابىلداپ، قۇرىلىس-مونتاج جۇمىستارىن توقتاتا تۇرۋ تۋرالى ۇيعارىم شىعاردى، سونىمەن قاتار الماتى قالاسىنىڭ مامانداندىرىلعان اۋدانارالىق ەكونوميكالىق سوتىنا قازان شۇڭقىردى بۇزۋ جانە قايتا تولتىرۋ تۋرالى تالاپ ارىز جولدادى.

«Dostar Deluxe» تۇرعىن ءۇي كەشەنى. مادەنيەت شاعىناۋدانى، 185/8 مەكەنجايى بويىنشا ورنالاسقان. تاپسىرىس بەرۋشى: «اشينوۆ» جەكە كاسپكەر؛ ەسكيزدىك جوباسى كەلىسىلمەگەن، قۇرىلىس-مونتاجداۋ جۇمىستارىنىڭ باستالۋى تۋرالى حابارلاما جوق.

ق ر ا ق ب ت ك- ءنىڭ 316 باپتىڭ 1-بولىگى، 321- باپ بويىنشا شارا قابىلداندى.

Verona تۇرعىن ءۇي كەشەنى. رەميزوۆكا، 7-جول 71 ۋچاسكەسىندە ورالاسقان. تاپسىرىس بەرۋشى: 5 جەكە تۇلعا. قۇرىلىس-مونتاج جۇمىستارىنىڭ باستالۋى تۋرالى حابارلاما جانە جوبا الدىنداعى قۇجاتتاماسى جوق.

باسقارما وكىلدەرىنىڭ ايتۋىنشا، بۇگىنگى تاڭدا ازاماتتاردىڭ زاڭسىز تۇرعىن ءۇي كەشەندەرىنەن پاتەر الۋ فاكتىلەرى تۇراقتى تۇردە انىقتالۋدا.

«3 قاباتقا دەيىنگى تۇرعىن ۇيلەر ءۇشىن ۇلەسكەرلەردەن قاراجات تارتۋعا رۇقسات تالاپ ەتىلمەيتىن قولدانىستاعى زاڭنامانى پايدالانىپ، جوسىقسىز قۇرىلىس سالۋشىلار جىلجىمايتىن مۇلىك ساتىپ الۋشى ادامداردى جاڭىلىستىرۋدا. جىلجىمايتىن مۇلىكتى ساتىپ الماس بۇرىن، قالا قۇرىلىسىن باقىلاۋ باسقارماسىنىڭ 77272298136+ سەنىم تەلەفونىنا حابارلاسىپ، سالىنىپ جاتقان تۇرعىن ءۇي كەشەندەرىندەگى قۇجاتتاردىڭ تولىق پاكەتىن تەكسەرۋگە كەڭەس بەرمىز»، - دەلىنگەن حابارلامادا.