13:05, 09 - اقپان 2023 | GMT +6
تۇركيادا قازاقستاندىق قۇتقارۋشىلار ءۇيىندى استىنان 3 ادامدى امان الىپ شىقتى
استانا. قازاقپارات - گازيانتەپتەگى وبەكتىلەردىڭ بىرىندە قازاقستاندىق قۇتقارۋشىلار ۇيىندىلەردىڭ استىنان 3 ادامدى قۇتقارىپ الدى.
بۇل تۋرالى قازاقپارات ت ج م سىلتەمە جاساپ حابارلايدى.
«قۇلاعان توعىز قاباتتى ءۇيدىڭ قيراندىلارىنىڭ استىنان ءبىر قارت ادام مەن ەكى جاس جىگىت شىعارىپ الىندى. قازاقستاندىق قۇتقارۋشىلار ولارعا ءبىرىنشى بولىپ بارىپ، ادامداردى تۇركيالىق ارىپتەستەرىنە جانە مەديتسينالىق قىزمەتتەرگە تاپسىردى. جۇمىستار ءۇزىلىسسىز ەكى تاۋلىك بويى كونسترۋكسيالاردىڭ قۇلاۋ قاۋپى ءتونىپ تۇرعانىمەن اسا كۇردەلى جاعدايلاردا جۇرگىزىلدى. ادامداردى انىقتاۋ ءۇشىن كينولوگيالىق ەسەپتوپتار جانە ارنايى ىزدەۋ قۇرالدارى بەلسەندى تۇردە تارتىلدى»، - دەلىنگەن حابارلامادا.
بۇعان دەيىن تۇركيادا وقيعا ورنىندا جۇرگەن قازاقپارات ءتىلشىسى اقجىگىت شۇكىباي قازاقستاندىق قۇتقارۋشىلار ءۇيىندى استىنان 3 ادامدى الىپ شىعۋعا كۇش سالىپ جاتقانى تۋرالى الدىن الا حابارلاعان ەدى.