07:36, 09 - اقپان 2023 | GMT +6
قازاقستان ماماندارى گازيانتەپتە ءۇيىندى استىنان 3 ادامدى قۇتقارۋعا تالپىنۋدا
گازيانتەپ. قازاقپارات - تۇركيادا جۇرگەن قازاقستاندىق قۇتقارۋشىلار ءۇيىندى استىنان 3 ادامدى الىپ شىعۋعا كۇش سالىپ جاتىر، دەپ حابارلايدى وقيعا ورنىنان اقپارات تاراتىپ جاتقان قازاقپارات ءتىلشىسى اقجىگىت شۇكىباي.
«قازاقستاندىق قۇتقارۋشىلار ىزدەستىرۋ- قۇتقارۋ جۇمىستارىن جالعاستىرىپ جاتىر. ولاردىڭ ايتۋىنشا، ءدال سول جەر جەردە ۇيىندىلەر استىندا 3 ادام جاتىر. ولار ماماندارعا جاۋاپ بەرىپ جاتىر جانە سۋ سۇراۋدا. ءبىزدىڭ مەديتسينا ماماندارى ولارعا سۋدى ءدارى- دارمەكتى تامىرعا تامشىلاتىپ جىبەرەتىن قۇرىلعىمەن بەرۋگە تىرىستى. زارداپ شەككەندەر قيراندى استىندا 72 ساعاتتان استام جاتىر»، - دەپ ءمالىم ەتتى جۋرناليست.
ەسكە سالايىق، قازاقستان قۇتقارۋشىلارى مىنگەن بورت 7- اقپان كۇنى گازيانتەپكە قونعان بولاتىن. ماماندارىمىزدىڭ ەكىنشى توبى اتالعان قالاعا كەشكە كەشقۇرىم جەتتى.
قازىر تۇركياداعى جەر سىلكىنىسى كەزىندە جوعالىپ كەتكەن قازاقستاندىقتار ىزدەستىرىلىپ جاتىر. ولاردىڭ ءبىرى - سابينا مامادياروۆا 8- اقپان كۇنى كەشكە امان- ەسەن تابىلدى.