پرەزيدەنتتىككە كانديداتتار 3 ميلليون تەڭگە جارنا تولەيدى
«سايلاۋ تۋرالى كونستيتۋتسيالىق زاڭنىڭ 55-بابىنىڭ 1-تارماعىنا سايكەس پرەزيدەنتتىككە كانديداتتار ۇسىنۋ قۇقىعى بەلگىلەنگەن تارتىپپەن تىركەلگەن رەسپۋبليكالىق قوعامدىق بىرلەستىكتەرگە تيەسىلى. ۇسىنۋ تۋرالى شەشىم رەسپۋبليكالىق قوعامدىق بىرلەستىكتىڭ جوعارى ورگانى مۇشەسىنىڭ جالپى سانىنىڭ كوپشىلىك داۋسىمەن قابىلدانادى»، - دەدى ورتالىق سايلاۋ كوميسسياسى ءتوراعاسىنىڭ ورىنباسارى كونستانتين پەتروۆ.
سونداي- اق، و س ك ءتوراعاسىنىڭ ورىنباسارى كانديداتتاردى زاڭ تالاپتارىنا سايكەس كەلەتىندىگى ءوتىنىش بەرگەننەن كەيىن 5 كۇننىڭ ىشىندە تەكسەرىلەتىنىن ايتتى.
«كانديداتتاردىڭ كونستيتۋتسيا مەن سايلاۋ تۋرالى كونستيتۋتسيالىق زاڭنىڭ تالاپتارىنا سايكەستىگىن انىقتاۋدى ورتالىق سايلاۋ كوميسسياسى رەسپۋبليكالىق قوعامدىق بىرلەستىكتىڭ جوعارى ورگانى وتىرىسىنىڭ كانديداتتى ۇسىنۋ تۋرالى حاتتامانى، داۋىسقا تۇسۋگە كەلىسىمى تۋرالى ءوتىنىشى جانە كانديداتتىڭ سايلاۋ جارناسىن تولەگەنىن راستايتىن تۇبىرتەكتى وتكىزگەننەن كەيىن 5 كۇن ىشىندە جۇزەگە اسىرادى. جارنا مولشەرى - 3 ميلليون تەڭگە»، - دەيدى ول.
بۇعان دەيىن حابارلاعانىمىزداي پرەزيدەنت سايلاۋىنا كانديداتتاردى ۇسىنۋ 23- قىركۇيەكتە باستالادى.
اۆتور
داۋلەت ىزتىلەۋ
