قازاقستاندىق دزيۋدوشىلار ەۋروپا كۋبوگىندا ءبىر التىن، 3 كۇمىس الدى

پوزنان. قازاقپارات - پولشانىڭ پوزنان قالاسىندا دزيۋدودان جاستار اراسىندا وتكەن ەۋروپا كۋبوگىندا قازاقستاندىقتار تابىستى ونەر كورسەتتى، دەپ حابارلايدى قازاقپارات ءتىلشىسى.
None
None

قازاقستان دزيۋدو فەدەراتسياسى ءمالىم ەتكەندەي، قازاقستاندىق سپورتشىلار جارىس قورىتىندىسىندا 1 التىن، 3 كۇمىس، 1 قولا مەدالدى جەڭىپ الدى.

اتاپ ايتقاندا، مەرەي مارحانبەتوۆ 60 كەلىگە دەيىنگى سالماقتا التىننان القا تاقتى. تاعى ءبىر قازاقستاندىق نۇرقانات سەرىكبايەۆ وسى سالماقتا ەكىنشى ورىنعا كوتەرىلدى.

باتىس قازاقستان وبلىسىنىڭ وكىلى نۇرسۇلتان زايزاعاليەۆ 66 كەلىگە دەيىنگى سالماقتا كۇمىس جۇلدەگە ىلىكتى.

جۇرقامىرزا شۇكىربەكوۆ 100 كەلىگە دەيىنگى سالماقتا تاعى ءبىر كۇمىستى ولجالادى.

ال نۇرسۇلتان جۇباتقان 60 كەلىگە دەيىنگى سالماقتا قولا مەدالعا يە بولدى. قازاقستان جاستار قۇراماسىنىڭ اعا جاتتىقتىرۋشىلارى: ازامات مۇقانوۆ پەن ايبەك يماشيەۆ.

سوڭعى جاڭالىقتار