ۇلىتاۋ وبلىسىنىڭ اۋماعىنا 3 قالا مەن ەكى اۋدان كىرەدى

ۇلىتاۋ. قازاقپارات - قاراعاندى وبلىستىق ءماسليحاتىنداعى جيىندا جاڭا ۇلىتاۋ وبلىسىنىڭ شەكارالىق اۋماعى بەلگىلەندى، دەپ حابارلايدى قازاقپارات ءتىلشىسى.

ءتيىستى شەشىمگە سايكەس ۇلىتاۋ وبلىسىنىڭ اۋماعى 188936,61 ك م2 قۇرادى. جاڭا وڭىرگە وبلىستىق ماڭىزى بار ءۇش قالا - جەزقازعان، قاراجال جانە ساتبايەۆ، سونداي-اق ەكى اۋدان جاڭاارقا جانە ۇلىتاۋ كىرەدى.

قاراعاندى وبلىسىنا قاراعاندى، بالقاش، ساران، تەمىرتاۋ، شاحتينسك جانە پريوزەرسك قالالارى، سونداي-اق اباي، اقتوعاي، بۇقار جىراۋ، قارقارالى، نۇرا، وساكاروۆ جانە شەت سىندى جەتى اۋدان كىرەدى.

ونىڭ اۋماعى 239046,35 ك م2 قۇرادى. جۇرگىزىلىپ جاتقان قايتا قۇرۋلار بويىنشا ءتيىستى ەكونوميكالىق ەسەپتەۋلەر جۇرگىزىلىپ، سحەمالىق كارتا جوبالارى ازىرلەندى.

«شەشىم تەكسەرىلدى. ايماقتىڭ ءبولىنۋى بارلىق جاعىنان قاراستىرىلعان. تۇرعىنداردىڭ پىكىرلەرى دە ەسكەرىلدى»، - دەپ اتاپ ءوتتى قاراعاندى وبلىسىنىڭ اكىمى جەڭىس قاسىمبەك جيىندا. ەستەرىڭىزگە سالا كەتەيىك، 16-ناۋرىزدا مەملەكەت باسشىسى قاسىم-جومارت توقايەۆ قازاقستان حالقىنا جولداۋىندا اباي، ۇلىتاۋ، جەتىسۋ وبلىستارىن قۇرۋدى ۇسىنعان بولاتىن.