گەننادي گولوۆكين 3 تيتۋل ءۇشىن ايقاسى الدىندا كەرى ەسەپ باستادى

None
None
نۇر- سۇلتان. قازاقپارات - قازاقستاندىق بوكسشى، IBF جانە IBO نۇسقالارى بويىنشاورتا سالماقتاعى الەم چەمپيونى گەننادي گولوۆكين (41-1-1،36 ك و) جاپوندىق ريوتا مۋراتامەن (16-2، 13 ك و) جەكپە- جەگىنە دەيىن كەرى ەسەپ جۇرگىزە باستادى، دەپ حابارلايدى قازاقپارات.

ورتا سالماقتاعى WBA Super، IBF جانە IBO نۇسقالارى بويىنشا چەمپيوندىق تيتۋلدار ءۇشىن جەكپە- جەك 9 -ءساۋىر كۇنى جاپونيانىڭ سايتاما قالاسىندا وتەدى. گ. گولوۆكين Instagram-داعى پاراقشاسىندا جاتتىعۋ بارىسىنان ۆيدەو جاريالاپ: «One week to go! جەكپە- جەككە ءبىر اپتا قالدى. ودنا نەدەليا دو بويا»، - دەپ جازدى. وسى كۇندەرى قازاقستاندىق بوكسشى كومانداسىمەن بىرگە جاپونيادا ءجۇر. ونى جۋرناليستەر مەن فاناتتار اۋەجايدان ىستىق ىقىلاسپەن كۇتىپ الدى. گولوۆكين جۋرناليستەرگە بەرگەن سۇحباتىندا كەلىسىم ر. مۋراتامەن بولعاندىقتان، وزگە قارسىلاستاردى قاراستىرماعانىن ءمالىم ەتتى.

«جاپونياداعى پاندەميا جاعدايىنا بايلانىستى جەكپە- جەك قاي ۋاقىتقا ىسىرىلاتىنى بەلگىسىز ەدى. مۋراتانىڭ ورنىنا باسقا بىرەۋمەن ايقاس وتكىزۋدى جوسپارلاعان جوقسىڭ با؟» دەپ سۇرادى ءتىلشى قازاقستان بوكسشىسىنان.

«ول جونىندە ويلاعانىم جوق. بۇل ايقاس مەن ءۇشىن ماڭىزدى. ونىمەن ءبىر مەزگىلدە مەن مۋراتانى وتە قۇرمەتتەيمىن. ءبىز وسى بەلدىكتەر ءۇشىن جەكپە- جەك وتكىزگىمىز كەلەدى. ءبىر- بىرىمىزگە دەگەن سىيلاستىق ماسەلەسىنە ورالار بولساق، قول جەتكىزىلگەن كەلىسىمدى بۇزۋ جونىندە ويلاعانىمىز دا جوق»، - دەپ جاۋاپ بەردى گەننادي.

گولوۆكين- مۋراتا ايقاسى DAZN پلاتفورماسىنداعى الەمنىڭ 200 دەن استام ەلىندە تىكەلەي كورسەتىلەدى (جاپونيا، وڭتۇستىك كورەيا جانە قازاقستاننان باسقا). الايدا، بوكس كەشىن قازاقستاننىڭ قاي تەلەارناسى كورسەتەتىنى ازىرگە بەلگىسىز. ايتا كەتەيىك، گەننادي 2020 -جىلدىڭ جەلتوقسانىنان بەرى رينگكە شىققان جوق. ول كەزدە پولياك كاميل شەرەمەتانى تەحنيكالىق نوكاۋتپەن جەڭىپ، وزىنە تيەسىلى چەمپيوندىق بەلدىكتەردى قورعاپ قالعان بولاتىن.


سوڭعى جاڭالىقتار