07:02, 01 - ناۋرىز 2022 | GMT +6
كوروناۆيرۋس: ناۋرىز ايىنداعى ەپيداحۋالدىڭ 3 ءتۇرلى بولجامى جاريالاندى
نۇر-سۇلتان. قازاقپارات - ق ر باس سانيتار دارىگەرى ايجان ەسماعامبەتوۆا دەنساۋلىق ساقتاۋ مينيسترلىگىنىڭ كەڭەيتىلگەن القا وتىرىسىندا ەپيدەميولوگيالىق جاعدايدىڭ جاڭارتىلعان بولجامىن ءمالىم ەتتى، دەپ حابارلايدى قازاقپارات ءتىلشىسى.
«وپتيميستىك سەناري بويىنشا، ناۋرىز ايىندا الدىن الۋ شارالارى ساقتالعان جاعدايدا تاۋلىگىنە ۆيرۋس جۇقتىرۋدىڭ 250 جاعدايى تىركەلەدى. ناقتى سەناري بويىنشا، ناۋرىز ايىندا سىرقاتتانۋ دەڭگەيى رەسپۋبليكا كولەمىندە كۇنىنە 310 جاعدايعا دەيىن جەتەدى. پەسسيميستىك سەناري بويىنشا، كۇنىنە 360 جاعدايعا دەيىن تىركەلۋى مۇمكىن»، - دەدى باس سانيتارلىق دارىگەر.
ونىڭ ايتۋىنشا، بۇعان دەيىن كوروناۆيرۋس ينفەكسياسىمەن كۇرەستە حالىقتى ۆاكسينالاۋدىڭ ماڭىزى زور بولدى.
«بۇگىنگى تاڭدا 10,2 ميلليون ادام ۆاكسينانىڭ ءبىر دوزاسىن الدى. بۇل جالپى حالىقتىڭ %53,7. 2021-جىلدىڭ قاراشاسىنان باستاپ ك ۆ ي- گە قارسى ريەۆاكسيناتسيا باستالدى. ءۇشىنشى دوزانى 2,5 ميلليون ادام نەمەسە ۆاكسينالاۋعا جاتاتىن حالىقتىڭ %56 قابىلدادى»، - ۆيتسە-مينيستر.