ۇكىمەت ەڭ تومەنگى جالاقىنى كوتەرۋدىڭ 3 نۇسقاسىن قاراستىرىپ جاتىر
«ق ر ۇكىمەتى حالىقتىڭ ءال- اۋقاتىن جاقسارتۋ جانە تابىستارىنىڭ ارتۋىن قامتاماسىز ەتۋ جۇمىستارىن تۇراقتى نەگىزدە جۇرگىزەدى. حالىقتىڭ شىنايى تابىسىنىڭ دەڭگەيىن ودان ارى ارتتىرۋ ماقساتىندا ەڭ تومەنگى جالاقىنى كوتەرۋدىڭ بىرنەشە نۇسقاسى قاراستىرىلىپ جاتىر. ءبىرىنشىسى - ەڭ تومەنگى جالاقىنى ينفلياتسيا دەڭگەيىندە كوتەرۋ. ەكىنشىسى - ەڭ تومەنگى جالاقىنى ورتاشا ايلىق جالاقىنىڭ 30 پايىزى مولشەرىندە بەكىتۋ. ءۇشىنشىسى - ەڭ تومەنگى جالاقىنى مەديتسينالىق جالاقىمەن بايلانىستىرۋ مۇمكىندىگى»، - دەدى ءماجىلىس دەپۋتاتتارىنىڭ ساۋالىنا جاۋاپ بەرگەن اسقار مامين.
ونىڭ اتاپ وتۋىنشە، اتالعان نۇسقالار رەسپۋبليكالىق بيۋدجەتتەن قوسىمشا شىعىستاردى قاجەت ەتەدى.
«دەگەنمەن، بيىل ۇكىمەت، رەسپۋبليكالىق جۇمىسشىلار بىرلەستىكتەرى جانە رەسپۋبليالىق جۇمىس بەرۋشىلەر بىرلەستىگى اراسىنداعى 2021-2023 -جىلدارعا ارنالعان جاڭا باس كەلىسىمدى جۇزەگە اسىرۋ باستالادى. ونى جۇزەگە اسىرۋ اياسىندا ەڭ تومەنگى جالاقىنى بەكىتۋ ادىستەمەسى ازىرلەنەتىن بولادى. ەڭ تومەنگى كۇنكورىس شەگىن انىقتاۋ ءتارتىبى ق ر- نىڭ «ەڭ تومەنگى الەۋمەتتىك ستاندارتتار جانە ولاردىڭ كەپىلدەرى تۋرالى» زاڭمەن جانە ەڭ تومەنگى كۇنكورىس شەگىن ەسەپتەۋ ەرەجەسىمەن رەگلامەنتتەلەدى.
جالپى رەسپۋبليكا، وبلىستار، استانا، رەسپۋبليكالىق ماڭىزى بار قالالار جانە وبلىستىق ءمانى بار قالالار بويىنشا ەڭ تومەنگى كۇنكورىس شەگى ورتاشا ەسەپپەن جان باسىنا شاققاندا جانە نەگىزگى جىنىستىق- جاس توپتارى بويىنشا ستاتيستيكا ورگاندارىمەن ەسەپتەلىنەدى»، - دەدى ۇكىمەت باسشىسى.
اۆتور: مارلان جيەمباي
