اسقار مامين: ۇكىمەت الدىندا ەكونوميكانىڭ 3 پايىزدان ارتىق ءوسىمىن قامتاماسىز ەتۋ مىندەتى تۇر
بۇل تۋرالى قازاقپارات elbasy.kz سايتىنا سىلتەمە جاساپ حابارلايدى.
كەزدەسۋدە قازاقستاننىڭ تۇڭعىش پرەزيدەنتىنە پارتيانىڭ «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسىن ورىنداۋعا باعىتتالعان جول كارتاسىن جۇزەگە اسىرۋ بويىنشا جوسپارلانعان شارالار تۋرالى باياندالدى. سونداي- اق ەلباسىعا جاھاندىق پاندەميا سالدارىنان تۋىنداعان داعدارىس جاعدايىندا ۇلتتىق ەكونوميكانىڭ تۇراقتىلىعىن ساقتاۋ ءۇشىن اتقارىلىپ جاتقان جۇمىستار جونىندە مالىمەت بەرىلدى.
«ۇكىمەت الدىندا ەكونوميكانىڭ 3 پايىزدان ارتىق ءوسىمىن قامتاماسىز ەتۋ مىندەتى تۇر. بۇگىندە وڭدەۋ ونەركاسىبى، قۇرىلىس جانە اۋىل شارۋاشىلىعى نەگىزگى درايۆەرلەر بولىپ سانالادى. قىزمەت كورسەتۋ سەكتورى قالپىنا كەلە باستادى. كاسىپكەرلىك سۋبەكتىلەرىن قولداۋ ءۇشىن ىسكەرلىك بەلسەندىلىكتى ىنتالاندىرۋ شارالارى ءۇش باعىتتا جۇرگىزىلەدى. ول - قارجىلاندىرۋدىڭ قولجەتىمدىلىگىن قامتاماسىز ەتۋ، بيزنەسكە تۇسەتىن اۋىرتپالىقتى ازايتۋ جانە وتكىزۋ نارىقتارىنىڭ قولجەتىمدىلىگىن كەڭەيتۋ»، - دەدى اسقار مامين.
سونىمەن قاتار كەزدەسۋ بارىسىندا ۇلتتىق ەكونوميكاعا ينۆەستيتسيا تارتۋ جۇمىسىنىڭ ماڭىزى اتاپ ءوتىلدى.
