قازاقستاننىڭ 3 وڭىرىندە ۇشۋ باعاسى ارزاندادى
بۇل ءبىر جىل بۇرىنعى كورسەتكىشكە قاراعاندا 43,1 پايىزعا از، دەپ حابارلايدى قازاقپارات energyprom.kz سايتىنا سىلتەمە جاساپ.
ال شىلدە ايىندا جولاۋشىلار تاسىمالى 304,9 مىڭ ادامدى قۇرادى - ماۋسىم ايىمەن سالىستىرعاندا 36,6 پايىزعا كەمىگەن جانە وتكەن جىلدان 3,3 ەسە از. ق ر ي ي د م ازاماتتىق اۆياتسيا كوميتەتىنىڭ حابارلاۋىنشا، جولاۋشىلار اينالىمى 4,3 ميلليارد ج ك م قۇرادى - ءبىر جىل بۇرىنعىعا قاراعاندا 2,2 ەسە از.
شىلدە ايىندا بۇل كورسەتكىش 467,8 ميلليون ج ك م بولدى - ماۋسىم ايىمەن سالىستىرعاندا 1,8 پايىز- عا از جانە وتكەن جىلدىڭ شىلدە ايىمەن سالىستىرعاندا 4,2 ەسە تومەندەگەن. ۆەدومستۆوارالىق كوميسسيانىڭ 2020 -جىلعى 11-تامىزداعى شەشىمى بويىنشا 17-تامىزدان باستاپ قازاقستان اپتاسىنا 23 رەيس جيىلىگىمەن 6 باعىت بويىنشا، 4 ەلگە حالىقارالىق ۇشۋدى كەزەڭ- كەزەڭىمەن قايتا باستالدى. ولار: ب ا ءا (11 رەيس)، گەرمانيا (5 رەيس)، بەلارۋس (4 رەيس)، ۋكراينا (3 رەيس). جەتى ايدىڭ قورىتىندىسى بويىنشا جۇك پەن جول جۇگىن تاسىمالداۋ 10,9 مىڭ توننانى قۇرادى.
بۇل ءبىر جىل بۇرىنعىعا قاراعاندا 23,6 پايىزعا از. شىلدە ايىندا تاسىمالداۋ وتكەن جىلمەن سالىستىرعاندا 33,3 پايىزعا، ياعني 1,4 مىڭ تونناعا دەيىن تومەندەدى. جەتى ايدىڭ قورىتىندىسى بويىنشا جۇك اينالىمى 30,6 ميلليون ت ك م قۇرادى - ءبىر جىل بۇرىنعىعا قاراعاندا 36,7 پايىزعا از. شىلدە ايىندا جۇك اينالىمى 24,3 پايىزعا، ياعني 3,7 ميلليون ت ك م-گە دەيىن تومەندەدى.
شىلدە ايىندا وتكەن جىلدىڭ شىلدەسىمەن سالىستىرعاندا جولاۋشىلارعا ارنالعان اۋە كومپانيالارىنىڭ قىزمەت باعاسى 19 پايىزعا تومەندەگەن. سەكتورداعى قىزمەتتەردىڭ بارىنشا ارزانداۋى شىمكەنتتە (51,3 پايىزعا)، ەلوردادا (46,4 پايىزعا) جانە اقتوبە وبلىسىندا (37,2 پايىزعا) بايقالدى.
ءتورت وڭىردە باعا وزگەرىسسىز قالدى: اقمولا، الماتى، سولتۇستىك قازاقستان جانە تۇركىستان وبلىستارىندا. تاعى ەكى وڭىردە قىزمەتتەر قىمباتتادى: اتىراۋ وبلىسىندا بىردەن 18,5 پايىزعا، ال قوستاناي وبلىسىندا - 4,3 پايىزعا.
