12:30, 18 - ماۋسىم 2020 | GMT +5
قازاقستاندا كوروناۆيرۋستان تاعى 3 ادام قايتىس بولدى
نۇر-سۇلتان. قازاقپارات - قازاقستاندا كوروناۆيرۋس ينفەكتسياسىنان تاعى 3 ادام قايتىس بولدى، دەپ حابارلايدى قازاقپارات www.coronavirus2020.kz سايتىنا سىلتەمە جاساپ.
اقپاراتقا سۇيەنسەك، نۇر-سۇلتان قالاسىندا ىندەتتەن 74 جانە 68 جاستاعى ەكى ايەل، 57 جاستاعى ءبىر ەر ادام كوز جۇمدى.
«ءولىم ناتيجەلەرىن زەرتتەۋ جونىندەگى كوميسسيا بۇل جاعدايلاردى «كوروناۆيرۋس ينفەكتسياسىنان قايتىس بولعان» دەپ تىركەۋگە شەشىم قابىلدادى»، - دەلىنگەن سايتتا.
ەسكە سالايىق، كەشە قاۋىپتى ۆيرۋستان ەلىمىزدە 9 ادام كوز جۇمدى. ونىڭ ىشىندە 6 جاعداي نۇر-سۇلتان قالاسىندا تىركەلدى.
ەلوردادا كوروناۆيرۋستان جالپى 24 ءولىم وقيعاسى بولدى. بۇگىنگە دەيىن قازاقستاندا COVID-19 بارلىعى 15877 ادامنان انىقتالدى، 9902 ءى جازىلىپ شىقتى، 100 ادام قايتىس بولدى.
