قازاقستاندا يادرولىق سىناقتان زارداپ شەككەن 3 مىڭداي ادامعا وتەماقى تاعايىندالدى
دەپ حابارلايدى قازاقپارات «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسپا ءسوز قىزمەتىنە سىلتەمە جاساپ.
29 - تامىز - حالىقارالىق يادرولىق سىناقتارعا قارسى كۇرەس كۇنى. قازاقستاندا يادرولىق سىناقتار 40 جىل بويى جۇرگىزىلگەن. «ازاماتتارعا ارنالعان ۇكىمەت» مەملەكەتتىك كورپوراتسياسى جىل باسىنان بەرى سەمەي يادرولىق سىناق پوليگونىنان زارداپ شەككەندەرگە ءبىرجولعى مەملەكەتتىك اقشالاي وتەماقى بويىنشا 2924 تولەم تاعايىندادى. زارداپ شەككەندەرگە بەرىلەتىن وتەماقى مولشەرى رادياتسيالىق قاۋىپ ايماقتارىنا قاراي بولىنەدى»، دەلىنگەن حابارلامادا.
اتالعان ءبىرجولعى وتەماقىنى الۋ ءۇشىن سىناق سالدارىنان زارداپ شەككەن ايماقتا تۇرعاندار تىركەۋدەن ءوتىپ، ءتيىستى كۋالىك الۋى ءتيىس. بۇل ءۇشىن مەملەكەتتىك كورپوراتسيانىڭ فرونت- وفيسىنە جۇگىنۋ قاجەت. قىزمەتتى الۋ ءۇشىن ازاماتتار ءوتىنىش جازىپ، ءتولقۇجات كوشىرمەسىن، مەكەنجاي انىقتاماسىن، بانكتەگى شوتىنىڭ ءنومىرىن، سونداي- اق 1949-1990 ج ج. يادرولىق سىناقتار وتكەن ايماقتا تۇرۋ فاكتىسىن راستايتىن قۇجاتتارىن وتكىزەدى.
ايتا كەتەيىك، 2019 -جىلدىڭ العاشقى التى ايىندا سەمەي پوليگونىنان زارداپ شەككەن ازاماتتارعا 5,7 مىڭ كۋالىك بەرىلدى.
