الماتىدا ەكى يت 3 جاسار قىزدى تالاپ ءولتىردى

الماتى. قازاقپارات - الماتىدا روتۆەيلەر تۇقىمدى ەكى يت 3 جاستاعى قىزدى تالاپ ءولتىردى، دەپ حابارلايدى قازاقپارات ءتىلشىسى.

قايعىلى وقيعا رىسقۇلوۆ كوشەسىندەگى سامعاۋ شاعىن اۋدانىندا بولعان. جانۋارلار اۋلادا جۇرگەن يتتەر يەسىنىڭ قىزىن باس سالىپ، تالاعان. ءبۇلدىرشىن جەدەل جاردەم كەلگەنشە كوز جۇمعان.

بالانىڭ قول-اياعى، ءۇستى-باسىن تالانعان، باس سۇيەگى سىنىپ كەتكەن.

ماماندار يتتەردىڭ مىنەزىنىڭ نەگە اگرەسسيۆتى سيپات العانىن ازىرگە تۇسىندىرە الماي وتىر.

«ءبىزدىڭ ۆەتەرينارلىق قىزمەتكە قوڭىراۋ ساعات 12:30-دا تۇسكەن. 20 مينۋت ىشىندە وقيعا ورنىنا ەكى بريگادا باردى. ۆەتقىزمەت وكىلدەرى يتتەردى بايلاپ، وقشاۋلادى. قازىر يتتەر باقىلاۋدا تۇر. ولاردىڭ ادامعا تاپ بەرۋىنە نە تۇرتكى بولعانى بەلگىسىز. قۇتىرۋ تاعى باسقا اۋرۋلارعا تەكسەرەتىن بولامىز»، - دەدى قالالىق ۆەتەرينارلىق قىزمەتتىڭ جانۋارلاردى اۋلاۋ ءبولىمىنىڭ جەتەكشىسى ايگەرىم جاقسىلىق.