قازاقستاندا 3- ماۋسىم كۇنى جەل كۇشەيىپ، بۇرشاق جاۋۋى ىقتيمال
«قازگيدرومەت» ر م ك- نىڭ مالىمەتتەرى بويىنشا، رەسپۋبليكانىڭ كەي جەرلەرىندە جاۋىن جاۋىپ، نايزعاي وينايدى. جەل كۇشەيىپ، تۇمان تۇسەدى، بۇرشاق جاۋۋى دا ىقتيمال. ەلدىڭ باتىسى مەن وڭتۇستىگىندە ءبىرقاتار ايماقتاردا شاڭدى داۋىل كوتەرىلەدى. تەك ەلدىڭ باتىسىندا، وڭتۇستىگى مەن سولتۇستىگىندە عانا كۇن اشىق بولادى.
جامبىل وبلىسىنىڭ ءبىرقاتار ايماقتارىندا جەل كۇشەيىپ، جىلدامدىعى سەكۋندىنا 15-20 مەترگە دەيىن جەتەدى.
قاراعاندى وبلىسىندا جەل تۇرىپ، بۇرشاق جاۋىپ، كۇندىز جەلدىڭ جىلدامدىعى سەكۋندىنا 15-20 مەترگە جەتەدى. تۇندە جانە كۇندىز كەي جەرلەردە ءبىرقاتار ايماقتارعا تۇمان تۇسەدى.
الماتى وبلىسىنىڭ ءبىرقاتار ايماقتارىندا جەل كۇشەيىپ، جىلدامدىعى سەكۋندىنا 18-23 مەتر بولادى.
تۇركىستان، كۇندىز قىزىلوردا، اتىراۋ وبلىستارىنىڭ كەي جەرلەرىندە جەلدىڭ جىلدامدىعى سەكۋندىنا 15-20 مەترگە جەتىپ، شاڭدى داۋىل كوتەرىلەدى.
سولتۇستىك قازاقستان وبلىسىندا جەل كۇشەيىپ، جىلدامدىعى 15-20 م/س بولادى. تۇندە جانە تاڭ اتا تۇمان ءتۇسۋى ىقتيمال.
شىعىس قازاقستان، كۇندىز اقمولا وبلىستارىنىڭ ءبىرقاتار ايماقتارىندا بۇرشاق جاۋىپ، جەلدىڭ جىلدامدىعى سەكۋندىنا 15-20 مەترگە جەتۋى ىقتيمال.
پاۆلودار، قوستاناي وبلىستارىندا تۇندە جانە تاڭ اتا تۇمان تۇسەدى.
كۇندىز باتىس قازاقستان وبلىسىندا كەي جەرلەردى جەلدىڭ جىلدامدىعى سەكۋندىنا 15-20 مەترگە جەتەدى.
ماڭعىستاۋ، اتىراۋ وبلىستارى مەن قىزىلوردا، باتىس قازاقستان، اقتوبە، تۇركىستان، شىعىس قازاقستان وبلىستارىندا كۇن ەرەكشە قاتتى ىسىپ، ءورت قاۋپى تۋىنداۋى ىقتيمال.
