ادام ومىرىندەگى ماڭىزدى 3 رەسۋرس

ادام ومىرىندە ەڭ ماڭىزدى 3 رەسۋرس بار. 1. اقشا اقشا ماڭىزدىلىعى جاعىنان ءۇشىنشى ورىنعا ىلىگەدى. ويتكەنى، ول - سارقىلمايتىن ءارى قايتا ورنىنا كەلەتىن ادام قاجەتتىلىگى. ارامىزدا اقشانىڭ تاپشىلىعىن سەزىنەتىن ادامدار بار. ايتا بەرمەسە دە، باي بولۋدى، كوپ اقشا تابۋدى ارماندايتىندار سانى جەتكىلىكتى. ءبىراق، سىزگە ۇسىنعالى وتىرعان 3 رەسۋرستىڭ ىشىندە اقشاعا قول جەتكىزۋ وڭاي ەكەنىن ەسكەرگەيسىز. تەك وعان قول جەتكىزۋدىڭ قاراپايىم ەرەجەسىن ەستە ۇستاساڭىز بولدى: سىرى - ەڭبەك.
2. كۇش ەكىنشى ورىنعا كۇشتى قويدىق. سەبەبى، ءالسىز ادامنىڭ قولىنان كوپ نارسە كەلمەيدى. سوندىقتان، تىلەك ايتقانىمىزدا باستى ورىنعا دەنساۋلىقتى قويامىز. دەنى ساۋ ادامنىڭ كۇشى مەن مۇمكىندىگى الدەقايدا باسىم بولادى. كۇش - جەتىستىك باستاۋى. باستىسى ونى قالاي قولدانۋدى بىلسەڭىز جەتكىلىكتى. مىسالى، ءسىز كومپيۋتەر ويىنىن ويناپ وتىرسىز. قارسىلاسىڭىزدىڭ قارۋ- جارىعى، ءومىر دەڭگەيى مەن كۇشى سىزدىكىمەن بىردەي. ءبىراق، سوڭىندا بىرەۋ جەڭىلەدى، ال ەندى ءبىر جەڭەدى. نەگە؟ جەڭگەن ويىنشىنىڭ ارتىقشىلىعى ول ءوز رەسۋرستارىن ورىندى قولدانىپ بىلەدى. ومىردە دە سولاي: كۇشىڭىزدى ءتيىمدى جۇمساڭىز. پايداسىز نارسەگە كۇشىڭىز بەن جۇيكەڭىدى قۇرتپاڭىز. جاستىق شاقتا ادام ءوزىنىڭ كۇشىنىڭ سارقىلمايتىنىنا سەنەدى. دەگەنمەن، 30-35 جاسقا كەلگەنىندە شەكسىزدىك دەپ جۇرگەنى ۋاقىتشا ەكەنىن ۇعادى. ويتكەنى، بۇرىنعىشا تاڭ اتقانشا قىدىرۋ، كەيىن كۇنى بويى جۇمىس ىستەۋ قولىنان كەلمەيدى. ال، ەسەيگەن سايىن «كۇش» تەك ازايا بەرەدى.
3. ۋاقىت اقشاعا تىنباي ەڭبەك ەتۋ ارقىلى قول جەتكىزسەڭىز، كۇشتى ۋاقىتىلى دەمالۋ ارقىلى قايتا قالپىنا كەلتىرۋگە بولادى. ال، ۋاقىتتى قايتارۋ مۇمكىن ەمەس. سوندىقتان، ۋاقىت - ادام ومىرىندەگى ەڭ ماڭىزدى رەسۋرس. سەكۋندتار ءتىلى العا جىلجىعان سايىن ۋاقىتىمىز ازايىپ كەلە جاتقانىن دا ۇعۋ كەرەك. ورتا جاسقا كەلگەندە ادامدار ۋاقىتتارى تەككە كەتكەنىن ۇعىپ، بارماق تىستەپ قالىپ جاتادى. كەيبىر نارسەگە ۇلگەرمەيمىز: نە ۋاقىت، نە كۇش جەتپەيدى. عالامتور بەتتەرىندە وسى 3 رەسۋرستىڭ جەتىسپەۋشىلىگىن تۇسىندىرەتىن ءتۇرلى يلليۋستراتسيالار جاريالاندى: جاستىق شاق: كۇش - مول، ۋاقىت - كوپ، اقشا جوق. ورتا بۋىن: كۇش - كوپ، اقشا بار، ۋاقىت از. قارتتىق شاق: كۇش سارقىلعان، ۋاقىت (وزىڭە كوڭىل بولەتىن) پەن اقشا عانا بار. وسى ءۇش رەسۋرستى دۇرىس باسقارا الساڭىز، كوپتەگەن جەتىستىككە جەتۋگە بولادى. بۇل - ءومىر زاڭدىلىعى.
Massaget.kz