16:52, 10 - ءساۋىر 2018 | GMT +5
تيبەتتە 3 مىڭ جىل بۇرىنعى مولادان قولا قوڭىراۋلار تابىلدى
استانا. قازاقپارات - دۇيسەنبى كۇنى قىتاي ارحەولوگتارى تيبەت اۆتونوميالىق اۋدانىنداعى قورىمنان جاسى 3 مىڭ جىل بولاتىن مولانى تاپتى، دەپ حابارلايدى «شينحۋا».
ايماقتىق مادەني مۇرالار ينستيتۋتىنىڭ ارحەولوگى شاكا ۆاندۋيدىڭ ايتۋىنشا، قورىمدى قازۋ جۇمىستارى 2017 -جىلدىڭ شىلدە ايىنان بەرى ساندا جازىعىنداعى لانچەن تسزانبو وزەنىنىڭ جاعاسىندا جۇرگىزىلىپ كەلگەن.
«ارنايى تالداۋ جۇمىستارى كورسەتكەندەي، تابىتتار ەكى توپقا بولىنەدى. ءبىرىنشىسىنىڭ جاسى 3000-3500 جىل شاماسىندا بولسا، ەكىنشىسى 2100 دەن 2300 جىل ارالىعىندا. تابىتتىڭ ءبىرى تاستان قالانعان قورىمدا ساقتالسا، ەكىنشىسى توپىراققا كومىلگەن»، - دەيدى شاكا ۆاندۋي.
سونىمەن بىرگە تابىتتاردان قىشتان دايىندالعان ىدىستار مەن زاتتار شىققانى ايتىلادى. قولادان قۇيىلعان قوڭىراۋلار تابىلعان بۇل تابىتتار تيبەتتەگى ەڭ ەجەلگى قورىمدارعا تيەسىلى.
فوتو: planet-today.ru
