ماسكەۋ ماڭىندا قازاقستاننان كەلگەن كولىكتەن 3 ەر ازاماتتىڭ ءمايىتى تابىلدى
«چەحوۆ اۋدانىنىڭ نوۆوسەلكي اۋىلىندا كولىكتەن ءۇش ەر ادامنىڭ ءمايىتى تابىلدى. ولاردىڭ نەدەن ولگەنى انىقتالۋ ۇستىندە»، - دەپ حابارلادى شۇعىل جاعداي قىزمەتىنىڭ وكىلى.
ءوز كەزەگىندە ر ف ءى ءى م ماسكەۋ وبلىسى بويىنشا باس باسقارماسى ەر ادامداردىڭ دەنەلەرىنىڭ تابىلۋى تۋرالى فاكتىنى راستادى. وسى وقيعا بويىنشا تەرگەۋ كوميتەتى تەكسەرۋ جۇمىستارىن باستادى.
مايىتتەر تابىلعان كولىك قازاقستاننان كەلگەن، دەپ حابارلادى تەرگەۋ كوميتەتىنىڭ ماسكەۋ وبلىسى بويىنشا باس باسقارماسى جەتەكشىسىنىڭ كومەكشىسى ولگا ۆرادي.
ول سەنبى كۇنى نوۆوسەلى اۋدانىندا تۇراقتا تۇرعان فۋرگوننان 3 ازاماتتىڭ ءمايىتى تابىلعانىن جانە ولاردىڭ دەنەلەرىنەن كۇشتەپ ءولتىرۋدىڭ بەلگىلەرى بولماعاندىعىن ايتتى. كولىكتىڭ كابيناسىندا مەرت بولعان ازاماتتار پايدالانعان گاز شامى تابىلعان.
ولار گازدان ۋلانىپ قالۋى مۇمكىن، الايدا ولاردىڭ ءولىمىنىڭ ناقتى سەبەبى ارنايى ساراپتاۋلاردان سوڭ بەلگىلى بولادى.
«تەكسەرۋ جۇمىستارىنىڭ قورىتىندىسى بويىنشا، پروتسەسسۋالدىق شەشىم قابىلدانادى»، دەدى تەرگەۋ باسقارماسىنىڭ وكىلى.
