جاس قىزدىڭ اسقازانىنان 3 كەلىدەي شاش شىقتى
كونيا قالاسىنىڭ 12 جاستاعى تۇرعىنى نەسليحان كاراكوچ ءۇش جىل بويى ءىشىنىڭ اۋىراتىنىن ايتىپ شاعىمدانعان. الايدا سوڭعى كەزدە قىزدىڭ اۋرۋى اسقىنىپ، اتا-اناسى ونى دارىگەرگە اپارۋعا تۋرا كەلگەن.
ونىڭ اسقازانىنان 2 كەلى 850 گرامم بولاتىن شاش پەن ساعىزدان قۇرالعان ماسسا شىققان. ال بالانىڭ ىشىنەن شىققان كەسەكتىڭ ديامەترى 20 سانتيمەتردى قۇراعان. نەسليحان ءوزىنىڭ شاشىن شايناۋدى، بۇعان قوسا شايناعان ساعىزدارىن جۇتۋدى ادەتكە اينالدىرىپ كەلگەن ەكەن.
جەرگىلىكتى اۋرۋحانانىڭ حيرۋرگى بيۋلەنت ەرەنوگلۋ 12 جاستاعى قىزدى قاراپ، قارىن بولىگىنىڭ نىعىزداپ قاتايعانىن بايقايدى. توموگرافيا ءتۇسىرىلىپ، كەيىن بالاقايعا وپەراتسيا جاسالادى.
«ول 50-گە جۋىق ساعىز جۇتقان، سونىڭ سالدارىنان اسقازانىنداعى جۇتقان شاشتارى قاتتى ماسساعا اينالا بەرگەن. نەسليحان ءىشىنىڭ قاتۋىنا، قارنىنىڭ اۋرۋىنا جانە ناشار تابەتىنە شاعىمدانعان. جالپى ال نەگىزى شاشتى جەۋ - ول اۋرۋ»، - دەيدى بيۋلەنت ەرەنوگلۋ.
