قازاقستاندا تومەن باعامەن ءۇي الۋعا مۇمكىندىك بەرەتىن 3 ءادىس

استانا. قازاقپارات - بۇگىندە «تۇرعىن ءۇي قۇرىلىس جيناق بانكى» ارقىلى تومەندە اتالعان مەملەكەتتىك باعدارلامالار بويىنشا ءۇي الۋعا بولادى.

- 2020-جىلعا دەيىن وڭىرلەردى دامىتۋ باعدارلاماسى. بۇل 2015-جىلدىڭ 1- قاڭتارىنا دەيىن 2012-جىلى ىسكە قوسىلعان «قولجەتىمدى باسپانا-2020» مەملەكەتتىك باعدارلاماسى بولعان. مۇنان كەيىن اتالعان باعدارلاما وڭىرلەردى دامىتۋ باعدارلاماسىنىڭ بولشەگىنە اينالدى.

باعدارلاما اياسىندا بانك ەكى باعىتتى ىسكە اسىرادى - «حالىقتىڭ بارلىق ساناتتارى ءۇشىن تۇرعىن ءۇي» جانە «جاس وتباسىلارعا ارنالعان تۇرعىن ءۇي». 2012-جىلى باعدارلامانىڭ ىسكە قوسىلعانىنان باستاپ 2016-جىلدىڭ 1- قازانىنا دەيىن ەكى باعىت بويىنشا 29646 قازاقستاندىق وتباسى پاتەرگە يەلەنگەن. ەنگىزىلگەن تۇرعىن ءۇيدىڭ جالپى اۋماعى 1,8 ميلليوننان استام شارشى مەتردى قۇرايدى. جالپى سانى 400 ءۇي تاپسىرىلعان.

2016-جىلدىڭ سوڭىنا دەيىن 2523 پاتەرگە ەسەپتەلگەن تاعى 26 ءۇي تاپسىرۋ جوسپارلانادى.

تۇرعىن ءۇي اقمولا، اقتوبە، الماتى، اتىراۋ، شىعىس قازاقستان، باتىس قازاقستان، قاراعاندى، ماڭعىستاۋ، وڭتۇستىك قازاقستان وبلىستارى مەن استانا قالاسىندا تاپسىرىلادى.

«2020-جىلعا دەيىن وڭىرلەردى دامىتۋ» باعدارلاماسى اياسىندا وڭىرلەرگە بايلانىستى تۇرعىن ءۇي قۇنى:

الماتى جانە استانا - شارشى مەترى ءۇشىن 120000-142500 تەڭگە، جايلىلىق ساناتىنا بايلانىستى

اتىراۋ، وسكەمەن، اقتاۋ - شارشى مەترى ءۇشىن 110000-115000 تەڭگە

باسقا وڭىرلەر - شارشى مەترى ءۇشىن 90000-100000 تەڭگە

ەگەر ءسىز الەۋمەتتىك تۇرعىن ۇيدەن ۇمىتتەنەتىن سالىمشى بولساڭىز، كەلەسى تالاپتارعا سايكەس بولۋىڭىز قاجەت:

- ق ر ازاماتى نەمەسە ورالمان دارەجەسى

- استانا جانە الماتى قالالارىنان تۇرعىن ۇيگە ۇمىتتەنگەن جاعدايدا، سوڭعى 2 جىل بويى تۇراقتى تۇراتىن ورنىندا تىركەلۋى

- سوڭعى 5 جىل كولەمىندە ق ر اۋماعى بويىنشا ساتىپ الىناتىن جالدامالى تۇرعىن ءۇي نەمەسە جەكەمەنشىك تۇرعىن ءۇيى بولماۋى

- تۇرعىن ءۇي قۇرىلىس جيناق جۇيەسى بويىنشا تۇرعىن ءۇي الۋ ءۇشىن قارىزدى وتەۋگە قىزمەت كورسەتۋ بويىنشا تولەم جاساۋعا قابىلەتتىلىگىن راستاۋ.

ەگەر «جاس وتباسىلارعا ارنالعان تۇرعىن ءۇي» باعىتى بويىنشا باسپانا العىڭىز كەلسە، كەلەسى شارتتاردى ورىنداۋىڭىز قاجەت:

- كەمىندە نەكەدە 2 جىل تۇرعان جاس وتباسى بولۋ

- ءوتىنىش بەرۋ كەزىندە ەرلى-زايىپتىلاردىڭ ەكەۋىنىڭ دە جاسى 29 جاستان اسپاۋى ءتيىس. ەگەر وتباسى تولىق بولماسا، جاسى بويىنشا شەكتەۋ تەك بالانى (بالالاردى) تاربيەلەپ جاتقان اتا-انانىڭ بىرىنە عانا قاتىستى، ول دا 29 جاستى قۇرايدى.

اتالعان سانات بويىنشا تۇرعىن ءۇي ءتىزىمىن جەرگىلىكتى اكىمدىك قۇرادى.

- ينفراقۇرىلىمدى دامىتۋدىڭ 2015-2019-جىلدارعا ارنالعان «نۇرلى جول» مەملەكەتتىك باعدارلاماسى. بەلگىلەنگەن جىل ىشىندە 1,5 ميلليون شارشى مەتر تۇرعىن ءۇي قۇرىلىسىن ىسكە اسىرۋ جوسپارلانۋدا. بۇل باعدارلاما بويىنشا جەرگىلىكتى اتقارۋشى ورگاندار (ج ا و) تاراپىنان 67 ميلليارد تەڭگە جانە «بايتەرەك ديەۆەلوپمەنت» اكتسيونەرلىك قوعامى تاراپىنان 60 ميلليارد تەڭگە تۇرعىن ءۇي قۇرىلىسىنا باعىتتالعان.

«بايتەرەك ديەۆەلوپمەنت» ا ق جەلىسى بويىنشا تۇرعىن ءۇي قۇنى:

استانا، الماتى، اقتاۋ، اتىراۋ - شارشى مەترى ءۇشىن 200000 تەڭگەگە دەيىن

باسقا وڭىرلەر - شارشى مەترى ءۇشىن 180000 تەڭگەگە دەيىن

ج ا و جەلىسى بويىنشا :

استانا، الماتى - شارشى مەترى ءۇشىن 180000 تەڭگەگە دەيىن

باسقا وڭىرلەر - شارشى مەترى ءۇشىن 140000 تەڭگەگە دەيىن

- «ءوز ءۇيىم» باعدارلاماسى. ول ءۇش باعىتتان تۇرادى:

جەرگىلىكتى اتقارۋشى ورگاندارمەن ءوزارا ارەكەتتەستىك، مەملەكەتتىك-جەكەمەنشىك سەرىكتەستىك جانە ەكىنشى دەڭگەيدەگى بانكتەرمەن ىنتىماقتاستىق.

«تۇرعىن ءۇي قۇرىلىس جيناق بانكى» سالىمشىسى بولساڭىز، «ءوز ءۇيىم» باعدارلاماسى بويىنشا شارشى مەتر ءۇشىن تومەن باعا، ۆاليۋتا كۋرستارىنا تاۋەلدى بولماۋ، تۇرعىن ءۇي الۋ ءۇشىن قويىلاتىن قاتاڭ شارتتاردىڭ جوقتىعى سىندى ارتىقشىلىقتارعا يەلەنەسىز. باعدارلاماعا بانكتىڭ كەز-كەلگەن كليەنتى قاتىسا الادى. ءبىراق العاشقى كەزەكپەن تۇرعىن ءۇي الۋ مۇمكىندىگى جەكە باسىندا جىلجىمايتىن مۇلكى جوق سالىمشىلارعا بەرىلەدى. بۇل باعدارلاما بويىنشا استانا جانە الماتى قالالارىندا سوڭعى 2 جىل كولەمىندە تۇراقتى ورنى بويىنشا تىركەۋدە تۇرۋدىڭ قاجەتى جوق.

«ءوز ءۇيىم» باعدارلاماسى اياسىندا جالپى سانى 1,5 ميلليون شارشى مەتر تۇرعىن ءۇي قۇرىلىسى جوسپارلانۋدا.

«ءوز ءۇيىم» باعدارلاماسىنا قوسىلعان العاشقى ءوڭىر - قىزىلوردا وبلىسى. مۇندا 100 ادام باسپانا كىلتىن يەلەنىپ ۇلگەردى.

استانادا باعدارلاما اياسىندا «جاعالاۋ-4» ت ك تۇرعىزىلىپ، 462 بانك سالىمشىسى تۇرعىن ۇيگە يە بولا الادى.

2016-جىلدىڭ تامىز ايىندا و ق و اكىمدىگى مەن بانك اتالعان باعدارلاما اياسىندا «شىمكەنت سيتي» جوباسى نەگىزىندەگى ىنتىماقتاستىق جونىندە مەموراندۋمعا قول قويدى. تاياۋ ۋاقىتتا باعدارلاما الماتى قالاسىندا دا ىسكە اسپاق.

«ءوز ءۇيىم» باعدارلاماسى بويىنشا تۇرعىن ءۇي قۇنى 3 باعا اۋقىمىن قاراستىرادى:

ەڭ تومەنگى باعا - ءار وڭىرگە بايلانىستى شارشى مەترى ءۇشىن 115000 تەڭگەدەن 180000 تەڭگەگە دەيىن

ورتا اۋقىمداعى ەڭ جوعارى باعا شارشى مەترى ءۇشىن 245000 تەڭگەگە دەيىن بارادى

ءۇشىنشى اۋقىم بويىنشا - 300000 تەڭگەگە دەيىن.

Stan.kz