12:25, 25 - قىركۇيەك 2016 | GMT +5
سۋكەربەرگ مەديتسينانى دامىتۋعا 3 ميلليارد ا ق ش دوللارىن بولەدى
استانا. قازاقپارات - Facebook الەۋمەتتىك جەلىسىنىڭ نەگىزىن قالاۋشى مارك سۋكەربەرگ پەن ونىڭ ايەلى پريستسيللا چان الداعى 10 جىل ىشىندە مەديتسينالىق زەرتتەۋ جوباسىنا 3 ميلليارد دوللاردان استام قارجى بولەدى.
بۇل باستاما ءتۇرلى اۋرۋلاردىڭ الدىن الىپ، ولاردى ەمدەۋگە باعىتتالعان. سونداي- اق وسى سومانىڭ 600 ميلليون دوللارى سان- فرانسيسكودا عىلىمي- زەرتتەۋ ورتالىعىن اشۋعا بولىنەدى. وندا جەتەكشى بيوينجەنەرلەر مەن دارىگەرلەر جۇمىس ىستەيتىن بولادى. ماماندار العاشقى جوبا رەتىندە جۇقپالى اۋرۋلاردى انىقتايتىن ارنايى چيپ ويلاپ تابۋمەن اينالىسپاق.
مارك تسۋكەربەرگ، Facebook باسشىسى:
- عىلىمي- زەرتتەۋ ورتالىعىن قۇرۋ ارقىلى تەك سان- فرانسيسكو حالقىنا عانا ەمەس، بۇكىل جاھان جۇرتشىلىعىنا كومەگىمىز تيەدى دەپ ويلايمىز. سونداي- اق الەم بويىنشا عىلىمعا بولىنەتىن قارجى كولەمىن ارتتىرۋدى ىنتالاندىرۋ ءۇشىن دە جاقسى مۇمكىندىك تۋىپ وتىر.
www.24.kz
