قازاقستاندىق «ماڭگىلىك ەل» يدەياسىنىڭ ۇزدىك تاڭباسىنا 3 ميلليون تەڭگە بەرىلەدى
بايقاۋعا بارلىق نيەت بىلدىرۋشىلەر قاتىسا الادى. ەڭبەكتەر 2016 -جىلدىڭ 1 -تامىز بەن 1 -قىركۇيەگى ارالىعىندا قابىلدانادى.
بايقاۋعا «ماڭگىلىك ەل» جالپى ۇلتتىق پاتريوتتىق يدەياسى لوگوتيپىنىڭ ەسكيزدەرى ۇسىنىلادى، ول قالالارداعى مەرەكەلىك بەزەندەردىرۋدە، ساحنا الاڭدارىنا، سپورت نىساندارىندا، مەملەكەتتىك مەكەمەلەردە، ۇيىمداردا، كاسىپورىنداردا، كوشەلەردە، الاڭداردا، كولىك قۇرالدارىندا (پلاكاتتار، پلەنشەتتەر، باننەرلەر، كەرمەلەر، ستەندتەر، ساۋلەت- كوركەمدىك كومپوزيتسيالار جانە ت. ب. )، كادەسىي ونىمدەرىن دايىنداۋدا (جالاۋشالار، جالاۋلار، كۇنتىزبەلەر، سومكەلەر، قالتاشالار، كويلەكتەر، بەيسبولكالار، اشىق حاتتار، فوتوالبومدار، قالامساپتار، قىش بۇيىمدارى، مەدالدار، كۋبكالار، ويىنشىقتار جانە ت. ب.) قولدانىلۋى مۇمكىن، دەلىنگەن بايقاۋدىڭ تالاپتارىندا.
بايقاۋ جەڭىمپازىنا سالتاناتتى جاعدايدا سەرتيفيكات جانە 3000000 تەڭگە كولەمىندەگى اقشالاي سىيلىق بەرىلەدى.
بايقاۋ ەرەجەسىمەن قازاقستان رەسپۋبليكاسى مادەنيەت جانە سپورت مينيسترلىگىنىڭ www.mks.gov.kz سايتىندا تانىسۋعا بولادى.
