استانادا سايلاۋ كۇنى 3 مىڭعا جۋىق پوليتسەي قوعامدىق ءتارتىپتى قاداعالايتىن بولادى
سايلاۋ كۇنى 213 سايلاۋدا داۋىس بەرۋ ۋچاسكەسى جۇمىس ىستەيدى، سونىڭ ىشىندە 178 ى بارشا حالىق ءۇشىن اشىلادى، وندا تاۋلىك بويى جۇمىس ىستەيتىن 625 پوليتسەي قىزمەت اتقارادى. جالپى، سايلاۋ كۇنى قالادا 3000 جۋىق پوليتسەي قوعامدىق ءتارتىپتى قاداعالايتىن بولادى.
جەرگىلىكتى پوليتسيا قىزمەتىنىڭ باسشىسى باقىتجان مالىبايەۆتىڭ ايتۋىنشا، استانا قالاسىنىڭ ىشكى ىستەر دەپارتامەنتى سايلاۋ وتكىزۋ بارىسىندا جولداردا ءتارتىپتى جانە قاۋىپسىزدىكتى قامتاماسىز ەتۋ ءۇشىن بارلىق شارالاردى قابىلداۋدا. 16-18 -ناۋرىزدا «قۇقىقتىق ءتارتىپ» جەدەل الدىن الۋ ءىس- شاراسى وتكىزىلدى. ال كەشەدەن باستاپ 24 -ناۋرىزعا دەيىن ءى ءى د ورگاندارىنىڭ جەكە قۇرامى كۇشەيتىلگەن رەجىمدە جۇمىس ىستەيدى.
- سايلاۋ ۋچاسكەلەرىندە 625 پوليتسەي تاۋلىك بويى جۇمىس ىستەيدى. جەكە قۇرامنان 3000 جۋىق قىزمەتكەر سايلاۋ جانە مەرەكە كۇندەرى قاۋىپسىزدىكتى قامتاماسىز ەتەدى. قالا ماڭىندا ورنالاسقان بارلىق بەكەتتەر دە كۇشەيتىلگەن رەجيمدە جۇمىس ىستەۋگە كوشەدى، - دەدى ب. مالىبايەۆ.
ايتا كەتەيىك، ەلوردا اكىمدى جاڭادان 26 سايلاۋ ۋچاسكەسىن قۇرۋ تۋرالى شەشىم قابىلداعان بولاتىن.
استانا قالاسى ىشكى ساياسات باسقارماسىنىڭ باسشىسى ەرلان كاناليموۆتىڭ ايتۋىنشا، 278 سايلاۋ ۋچاسكەسى اشىلادى، سونىڭ ىشىندە 65 ى شەتەلدە ورنالاسقان، ياعني قالادا 213 ۋچاسكە جۇمىس ىستەيدى. 35 سايلاۋ ۋچاسكەسىنە كىرۋگە شەكتەۋ قويىلسا، قالعان 178 ۋچاسكەدە حالىق داۋىس بەرە الادى.
- قازىرگى كەزدە قالا بويىنشا سايلاۋشىلار تىزىمىندە 405233 ادام تىركەلگەن. سىرتقى ىستەر مينيسترلىگىنىڭ جەلىسى بويىنشا - 14303 سايلاۋشى. ازاماتتارعا قولايلى بولۋى ءۇشىن ءاربىر سايلاۋ ۋچاسكەسىندە شاعىن ح ق ك و جۇمىس ىستەيدى. ەگەر ازامات سايلاۋ كۇنى ءوزىن سايلاۋشىلار تىزىمنەن تابا الماسا، ول ءوتىنىش بەرىپ، مەكەنجاي انىقتاماسىن الادى. وتكەن جىلى سايلاۋدا 30 مىڭعا جۋىق ادام وسىنداي شاعىن حالىققا قىزمەت كورسەتۋ ورتالىقتارىنىڭ كومەگىنە جۇگىنگەن، - دەپ اتاپ ءوتتى ە. كاناليموۆ.
ونىڭ سوزىنە قاراعاندا، بارلىق سايلاۋ ۋچاسكەلەرىندە كونتسەرتتىك باعدارلامالار، جارمەڭكەلەر ۇيىمداستىرىلادى. جالپى، 45 ميلليون تەڭگەدەن استام سومانىڭ ءونىمىن ساتۋ كوزدەلگەن. سونىمەن قاتار، سايلاۋ كۇنى ازاماتتاردىڭ بارلىق ساناتتارى ءۇشىن قالالىق قوعامدىق كولىكپەن جول ءجۇرۋ تەگىن بولادى.
ادەتتەگىدەي، ءبىرىنشى بولىپ كەلگەن جانە العاش رەت داۋىس بەرەتىن، سونداي-اق، 20 ناۋرىزدا تۋعان كۇنىن مەرەكەلەيتىن سايلاۋشىلارعا ەستەلىك سىيلىقتار تابىستالادى.
