الماتىدا 3 ادامدى توبەسىنە مىنگىزىپ الىپ جۇرگەن كولىك يەسى اكىمشىلىك جاۋاپكەرشىلىككە تارتىلدى - كەسكىن
ايتا كەتەيىك، بەينەروليك كەشە Youtube جەلىسىندە پايدا بولعان. مەدەۋ شاتقالىندا بەلگىسىز ءۇش جىگىت ءجۇرىپ كەلە جاتقان Honda كولىگىنىڭ ۇستىندە تىكەسىنەن تىك تۇرعان.
بەينەروليكتە كولىكتىڭ مەملەكەتتىك نومەرى انىق كورىنىپ تۇر.
قالالىق پوليتسيا اتالعان روليكتىڭ كەيىپكەرلەرىن ق ر ا ق ك 593-بابىنىڭ 1-تارماعىنا سايكەس جولاۋشىلاردى، باگاج بەن جۇكتى تاسىمالداۋ ەرەجەلەرىن بۇزعانى ءۇشىن اكىمشىلىك حاتتاما تولتىردى. ءىس سوتقا جىبەرىلەدى.
«ءۇش ەر ادام «Honda-نىڭ» ۇستىنە شىعىپ الىپ، وزگە جول قوزعالىسىنىڭ قاتىسۋشىلارىنىڭ ومىرىنە قاۋىپ ءتوندىردى. جولدا مۇنداي ەسەرسوقتىق جاساۋعا بولمايدى. جەدەل ىزدەستىرۋ شارالارىنىڭ ارقاسىندا جۇرگىزۋشىنىڭ كىم ەكەندىگى انىقتالدى. 1993 -جىلعى ازامات المالى اۋدانىنىڭ تۇرعىنى بولىپ شىقتى»، - دەدى قالالىق ءى ءى د باسقارما باسشىسى جاندوس مۇراتاليەۆ.
ونىڭ ايتۋىنشا، ەرەجە بۇزعان ادامعا 5 ا ە ك كولەمىندە ايىپپۇل سالىنۋى مۇمكىن.
