قىتايدا 3 ساعاتتا ەكى قاباتتى ءۇي باسىپ شىعاردى - فوتو
D3 پرينتەرى مۇنداي ءۇيدىڭ 1 شارشى مەترىنىڭ قۇنىن تومەندەتەدى - جيھاز، سانتەحنيكا ت. ب. بارلىعى - $560 ىشىنە كىرەدى.
ەكى قاباتتى ءۇي 3 ساعاتتا سالىندى. ق ح ر- دا D3 ءۇي قۇرىلىسىمەن اينالىسقان ZhuoDa group فيرماسى سول كۇنى كەشكە تاعى ءبىر ءۇي تۇرعىزدى.
«D3 پرينتەرمەن باسىپ شىعارىلعان ءۇي جەكە ۇلگىدەن سالىنعان، ونى فابريكادا تۇتاستاي دايىندايدى. ءىشى ارلەنگەن، سىم وتكىزىلگەن، سۋ قۇبىرى، سانتەحنيكاسى، جيھازى ءبارى ورناتىلعان. قۇرىلىس الاڭىنا ءۇي 90 پايىزعا دايىن بولىپ كەلەدى، دەپ حابارلادى Imena.ua.
فراگمەنتتەر قۇپيا ۇستالاتىن ارنايى قۇراممەن باسىپ شىعارىلادى، ءۇي جوعارى جىلۋ وقشاۋلاعىشىمەن ەرەكشەلەنەدى. جازدا سالقىن، قىستا جىلى.
بۇعان ونەركاسىپتىك جانە اۋىل شارۋاشىلىعى قالدىقتارىنان جاسالعان ماتەريالدار كىرەتىنى قۇپيا ەمەس. سوندىقتان دايىن ۇلگىدە زياندى زاتتار جوق. باسىپ شىعارىلعان ءۇي 9 ماگنيتۋدالى جەر سىلكىنىسىنە شىداس بەرەتىنى حابارلانادى، وت پەن سۋعا ءتوزىمدى.
دايىن ۇلگىلەردى باسىپ شىعارعاننان كەيىن بريگادا ءۇيدى جيناي سالادى. سوندىقتان پرينتەردە باسىپ شىعارىلعان ءۇي باسقا تاسىلمەن سالىنعان ۇيلەردەن ارزانعا تۇسەدى.
قازىر ZhuoDa group فيرماسىنىڭ جاڭا ماتەريالعا 22 پاتەنتى بار، 40 مەملەكەتتىك جوبالارمەن كەلىسىمشارتقا قول قويعان، 2016 -جىلى Zhuoda Group سالعان ۇيلەردىڭ الاڭى 2 ميلليارد شارشى مەترگە جەتۋى مۇمكىن، ال جيىنتىق قۇنى $1,2 تريلليون بولماق.
