دارىگەرلەر تۇڭعىش رەت 3 ولشەمدى پرينتەردە باس سۇيەك جاساپ، ءۇش جاسار قىز بالاعا سالدى

استانا. قازاقپارات - قىتايدا 17- شىلدەدە كىشكەنتاي قىزدى قۇتقارۋ بويىنشا ەرەكشە وتا جاسالدى. دارىگەرلەر 3D- پرينتەردە بالانىڭ باس سۇيەگىن جاساپ شىعارىپ، ونى ناۋقاسقا سالدى.

 حان- حان تۋعانىنان گيدروتسەفاليادان زارداپ شەككەن. بۇل جاعدايدا ونىڭ ميىندا سۇيىقتىڭ قايتۋ ءۇردىسى بۇزىلعان. باس سۇيەكتە سۇيىقتىقتىڭ جينالۋىنان بالانىڭ ميى قالىپتى جاعدايدان ءتورت ەسەگە ۇلعايدى. باس سالماعى دەنە سالماعىنىڭ جارتىسىنان كوپ بولعان.

 اكەسى قىزىنا قاجەتتى ەم ءۇشىن اقشا جيدى. دارىگەرلەر 3D سكانەرلەۋ مەن 3D باسىپ شىعارۋدى پايدالانىپ، تيتان تورىنان ءۇش يمپلانت دايىنداعان. دارىگەرلەردىڭ ايتۋىنشا، ۋاقىت وتە تيتان يمپلانتتارى سۇيەك پلاستينالارىمەن جابىلادى.

 حان- حانعا جاسالعان وتا 17 ساعاتقا سوزىلدى. دارىگەرلەر سۇيىقتىقتى شىعارىپ، باس سۇيەگىنەن الىنعان سۇيەكتەردىڭ ورنىنا تيتان پلاستينالارىن ورناتتى. ولاردىڭ پايىمىنشا، ۋاقىت وتكەننەن كەيىن قىز تولىق ساۋىعىپ كەتە الادى.

قازىر قىز وزدىگىنەن دەم الاتىن بولدى.