قىتاي مەن ورتالىق ازيا ىنتىماقتاستىعىنىڭ 3- فورۋمى باستالدى - فوتو
ونىڭ تاقىرىبى: «جىبەك جولى ەكونوميكالىق بەلدەۋىن بىرلەسىپ سالۋ، كەشەندى ءوزارا بايلانىستى قالىپتاستىرۋ» دەپ اتالادى.
شارانى شانحاي ىنتىماقتاستىق ۇيىمى (ش ى ۇ) كوميتەتى مەن رىجاۋ قالالىق ۇكىمەتى ۇيىمداستىردى.
فورۋمعا 500 دەن استام ادام شاقىرىلعان. ولاردىڭ اراسىندا مەملەكەتتىك ورگاندار مەن كاسىپورىندار، جەكە كومپانيالار مەن ب ا ق وكىلدەرى بار. ناقتىراق ايتقاندا، وزبەكستاننان (ءو ر پرەمەر- ءمينيسترىنىڭ ءبىرىنشى ورىنباسارى، قارجى ءمينيسترى رۋستام ازيموۆ)، قىرعىزستاننان ۆيتسە- پرەمەر ۆالەري ديل باستاعان دەلەگاتسيا، قازاقستاننىڭ ق ح ر- داعى ق ر توتەنشە جانە وكىلەتتى ەلشىسى شاحرات نۇرىشيەۆ، تاجىكستان، تۇركىمەنستاننىڭ قارجىلىق-بانكتىك جانە اكادەميالىق قۇرىلىمدارىنىڭ وكىلدەرى، ش ى ۇ حاتشىلىعى، سونداي-اق گانسۋ، شانشي پروۆينسياسى، شينجاڭ- ۇيعىر اۆتونوميالىق ولكەسى سياقتى وڭىرلەردەن دەلەگاتتار كەلدى.
ق ح ر باسشىلىعىنىڭ اتىنان شاراعا قىتاي كومپارتياسى ورتالىق كوميتەتى ساياسي بيۋروسىنىڭ مۇشەسى، ساياسي- زاڭگەرلىك كوميسسياسىنىڭ حاتشىسى مەن جيانجۋ قاتىسادى.
شارا 2 كۇنگە جوسپارلانعان. بۇگىن قىتاي مەن وزبەكستان اراسىندا ساۋدا-ەكونوميكالىق ىنتىماقتاستىققا ارنالعان كىشى فورۋمى وتەدى. ورتالىق ازياداعى بارشا ەل وكىلدەرىنىڭ قاتىسۋىمەن وتەتىن نەگىزگى شارا ەرتەڭ بولادى.
ەسكە سالساق، ق ح ر جىجياڭ پروۆينسياسىنداعى تۋڭشياڭ قالاسىندا 2012 -جىلعى مامىردا قىتاي مەن ورتالىق ازيا ىنتىماقتاستىعىنىڭ 1- فورۋمى، 2014 -جىلعى قازاندا سول پروۆينتسيادا يۋ قالاسىندا 2- فورۋم ءوتتى.
