اسكەري پاراد وتەتىن كۇنى استانادا 3 مىڭ پوليسەي قاۋىپسىزدىكتى قامتاماسىز ەتەدى
بۇل تۋرالى بۇگىن باسپا ءسوز ءماسليحاتىندا استانا قالاسى ىشكى ىستەر دەپارتامەنتى اكىمشىلىك پوليتسيا باسقارماسىنىڭ باستىعى باقىتجان مالىبايەۆ ءمالىم ەتتى.
«اسكەري پاراد وتەتىن 7 - مامىردا ساعات 6:00-دەن 14:00-گە دەيىن ب. مومىش ۇلى داڭعىلى مەن ش. قالداياقوۆ كوشەسى ارالىعىنداعى تاۋەلسىزدىك داڭعىلى بويىندا، سونداي- اق ش. قالداياقوۆ كوشەسى م-3 كوپىرى جول ايرىعىنان وباعان كوشەسىنە دەيىن، ر. قوشقاربايەۆ كوشەسىنىڭ ب. مومىش ۇلى داڭعىلىنان سارىكول كوشەسىنە دەيىنگى جول ارالىعىندا كولىك قوزعالىسى شەكتەلەدى»، - دەدى ول.
وسى ورايدا ول قالا تۇرعىندارىن مەرەكە كۇندەرىندە اتالعان كوشەلەردەن اينالىپ وتۋگە شاقىردى.
«اسكەري پاراد كۇنىندە استانادا 3 مىڭعا جۋىق جەكە قۇرامنىڭ قىزمەتكەرلەرى جۇمىلدىرىلادى. سونىمەن قاتار ەلوردانىڭ ىشكى ىستەر دەپارتامەنتىنىڭ 180 تەحنيكاسى تارتىلادى»، - دەدى ب. مالىبايەۆ.
اۆتور: رۋسلان عابباسوۆ
