ماڭعىستاۋ وبلىسىنىڭ 3 مىڭداي تۇرعىنى اقتاۋ قالاسىندا وتكەن شاراعا قاتىستى - فوتو

اقتاۋ. قازاقپارات - بۇگىن اقتاۋ قالاسىندا ماڭعىستاۋ وبلىسىنىڭ جاستارى «قازاقستان - 2050» قوزعالىسى اياسىندا «ءبىز داۋىس بەرەمىز!» اتتى شەرۋدى ۇيىمداستىرىپ، قازاقستاندىقتاردى وزدەرىنىڭ ازاماتتىق پارىزدارىن ورىنداپ، سايلاۋدا بەلسەندىلىك تانىتۋعا شاقىردى.

شاراعا اقتاۋ قالاسىنىڭ ستۋدەنتتەرى مەن مامانداندىرىلعان ورتا ءبىلىم وشاقتارىنىڭ تالىمگەرلەرى، وبلىستاعى ءىرى كاسىپورىنداردىڭ جاس ماماندار كەڭەسى اتسالىستى.

3 مىڭ ادامنان تۇراتىن قاتىسۋشىلار لەگى اقتاۋ قالاسىنىڭ ورتالىعىنان «ماڭعىستاۋ جاستارى - سايلاۋدى قولدايدى!»، «جاڭا سايلاۋ - جاڭا سەرپىن!»، «ءبىز داۋىس بەرەمىز!» ۇراندارىمەن تەڭىز جاعالاۋىنا دەيىنگى ارالىقتى ءجۇرىپ ءوتتى. ولار وسىلايشا جاستاردى سايلاۋعا بەلسەندى قاتىسۋعا شاقىردى.