دەنيس تەن شاڭحايداعى الەم چەمپيوناتىنىڭ ءبىرىنشى كۇنىنىڭ قورىتىندىسى بويىنشا 3-ورىندى جەڭىپ الدى

None
None
استانا. قازاقپارات - قازاقستاندىق مانەرلەپ سىرعاناۋشى دەنيس تەن شاڭحايداعى الەم چەمپيوناتىنىڭ ءبىرىنشى كۇنىنىڭ قورىتىندىسى بويىنشا 3-ورىن الدى، - دەپ حابارلايدى Tengrinews.kz ءتىلشىسى.

دەنيس تەننىڭ ونەر كورسەتۋى ۇيىمداستىرۋشىلاردىڭ قاتەلىگىمەن باستالدى. ولار ءان قويۋدا قاتەلىك جىبەردى. مانەرلەپ سىرعاناۋشىنىڭ كوڭىل-كۇيىنە اسەر ەتۋى مۇمكىن كەدەرگىلەر بولدى. قازاقستاندىق ءبىرىنشى سەكىرىسىندە قۇلادى. باعدارلامانىڭ قالعان بولىگىندە ول قاتەسىز سىرعاناپ، قازىلار القاسى وعان 85,89 بالل بەردى.

بۇل كورسەتكىش سپورتشىنى ءبىرىنشى ورىنعا شىعاردى، ءبىراق الدا ءالى ءتورت اتلەتتىڭ ونەرى بار ەدى. ناتيجەسىندە يسپان حاۆەر فەرناندەس (92,74 بالل) پەن جاپون يۋدزۋرۋ حانيۋ دەنيس تەننىڭ الدىن ورادى. ايتا كەتەيىك، سوڭعىسى قىسقا باعدارلاما بويىنشا ءبىرىنشى ورىن الدى.

ەسكە سالا كەتەيىك، شاڭحايدا مانەرلەپ سىرعاناۋدان الەم چەمپيوناتى 23- ناۋرىزدا باستالعان ەدى. ەرلەر اراسىندا 28- ناۋرىزدا ەركىن باعدارلاما بويىنشا سايىس وتەدى. دەنيس تەننىڭ ونەرىن تىكەلەي ەفيردە KazSport تەلەارناسى كورسەتەدى.

ايتا كەتەيىك، شاڭحايداعى چەمپيونات قارساڭىندا New York Times گازەتى دەنيس تەنگە ماقالا ارناعان بولاتىن. باسىلىمنىڭ شولۋشىسى كريستوفەر كلەري قازاقستاندىق مانەرلەپ سىرعاناۋشىنىڭ جاڭا جەتىستىكتەرگە جەتۋگە دايىن ەكەنىن جانە شاڭحايداعى الەم چەمپيوناتىندا جاڭا دەڭگەيگە كوتەرىلە الاتىنىن ايتقان بولاتىن.

سوڭعى جاڭالىقتار