بۇگىننەن باستاپ ق ر پرەزيدەنتتىگىنە 3 كانديدات وزدەرىنىڭ ۇگىت-ناسيحات جۇمىستارىن باستايدى

None
None
استانا. قازاقپارات - بۇگىننەن باستاپ، ق ر پرەزيدەنتتىگىنە 3 كانديدات وزدەرىنىڭ ۇگىت-ناسيحات جۇمىستارىن باستايدى.

ايتا كەتەيىك، ەلىمىزدىڭ ورتالىق سايلاۋ كوميسسياسى ق ر پرەزيدەنتتىگىنە كانديدات رەتىندە «نۇر وتان» پارتياسى اتىنان نۇرسۇلتان نازاربايەۆتى، قازاقستاننىڭ كوممۋنيستىك حالىق پارتياسى اتىنان تۇرعىن سىزدىقوۆتى، كەزەكتەن تىس پرەزيدەنتتىك سايلاۋعا ءوزىن-ءوزى ۇسىنعان ءابىلعازى قۇسايىنوۆتى تىركەگەن بولاتىن. ولاردىڭ بارلىعى دا ق ر پرەزيدەنتتىگىنە كانديداتتاردىڭ مەملەكەتتىك ءتىلدى ەركىن مەڭگەرگەندىگىن انىقتاۋ جونىندەگى لينگۆيستيكالىق كوميسسياسىنىڭ ەمتيحانىن تاپسىرىپ، «قازاقستان رەسپۋبليكاسىنداعى سايلاۋ تۋرالى» ق ر كونستيتۋتسيالىق زاڭىندا تالاپ ەتىلەتىن بارلىق قۇجاتتاردى و س ك- گە وتىزگەن. سونىمەن قاتار، 1 ميلليون 60 مىڭ تەڭگە كولەمىندەگى سايلاۋ جارناسىن دا تولەدى.

ق ر پرەزيدەنتتىگىنە كانديدات بولىپ تىركەلۋ ءۇشىن ۇمىتكەرلەر سايلاۋشىلاردىڭ 93 مىڭنان استام راستالعان قولىن جيناۋ كەرەك بولاتىن. ەڭ الدىمەن، ن. نازاربايەۆ ءوز قولداۋشىلارىنىڭ 560523 راستالعان قولىن جينادى.

ال كەزەكتەن تىس پرەزيدەنتتىك سايلاۋعا ءوزىن-ءوزى ۇسىنعان ءابىلعازى قۇسايىنوۆ سايلاۋشىلاردىڭ 132152، قازاقستاننىڭ كوممۋنيستىك حالىق پارتياسىنىڭ اتىنان كەزەكتەن تىس پرەزيدەنتتىك سايلاۋعا ءتۇسىپ وتىرعان ت. سىزدىقوۆ سايلاۋشىلاردىڭ 98384 راستالعان قولىن جيناعان.

اۆتور: مارلان جيەمباي

سوڭعى جاڭالىقتار