00:02, 05 - قاڭتار 2015 | GMT +5
اپاتقا ۇشىراعان ذشاقتا بولعان تاعى 3 ادامنىڭ دەنەسى تابىلدى
استانا. قازاقپارات - اپاتقا ۇشىراعان AirAsia كومپانياسى لاينەرىنىڭ بورتىندا بولعان تاعى 3 ادامنىڭ دەنەسى تابىلدى. ءسويتىپ، جالپى سۋ تۇبىنەن شىعارىلعان قۇربانداردىڭ سانى 34 كە جەتتى.
ياۆا تەڭىزىندەگى ىزدەستىرۋ جانە قۇتقارۋ وپەراسياسىنىڭ جۇرگىزىلىپ جاتقانىنا بۇگىن 8 كۇن بولعانىن ايتا كەتەيىك.
سۋرابايا قالاسىنا جەتكىزىلگەن دەنەلەردى ارنايى سوت-مەديسينالىق ساراپشىلار تەكسەرىپ جاتىر. قازىرگى تاڭدا 9 ادامنىڭ كىم ەكەنى انىقتالعان.
ەستەرىڭىزگە سالا كەتەيىك، 28 - جەلتوقساندا اپاتقا ۇشىراعان اۋە كەمەسىنىڭ بورتىندا 162 ادام بولعان، دەپ جازادى 24.kz.
