الماتىدا 3 مىڭ ادامدىق مەشىت اشىلدى
جاڭا مەشىتكە ەلباسىنىڭ ۇسىنىسىمەن مەملەكەت جانە قوعام قايراتكەرى بايكەن ءاشىموۆتىڭ اتى بەرىلدى. مەشىتتىڭ اشىلۋ سالتاناتىنا قالا باسشىسى احمەتجان ەسىموۆ، ق ر باس ءمۇفتيى ەرجان قاجى مالعاجى ۇلى، ق م د ب وكىلدەرى، وزگە دە مەملەكەت جانە قوعام قايراتكەرلەرى قاتىستى.
«بۇگىن - اق تۇيەنىڭ قارنى جارىلعان قۋانىشتى كۇن. ساۋلەتى كەلىسكەن رۋحاني وردالارىمىز بوي كوتەرىپ كەلەدى. الماتىدا قالالىق جاماعاتقا ىڭعايلى بولۋ ءۇشىن 3 قاباتتى اۆتو تۇراعى بار مەشىت اشىلدى. بۇل قالالىق ومىرگە بەيىمدەلىپ سالىنعان جالعىز مەشىت دەسە بولادى. بۇگىنگى تاڭدا ەلىمىزدىڭ بارلىق وڭىرلەرىندە ءدىني قۇلشىلىق ورىندارى اشىلىپ جاتىر. بۇل دەگەنىمىز - قوعامىمىزدىڭ يماندىلىققا بەت بۇرعاندىعىن، ەلدىڭ ءال- اۋقاتىنىڭ جاقسارعانىن كورسەتەدى. مەشىت تەك قانا بەس ۋاقىت ناماز وقيتىن ورىن ەمەس، سونداي- اق، رۋحاني تۇراقتىلىقتىڭ ورتاسى بولۋى كەرەك»، - دەدى ق ر باس ءمۇفتيى ەرجان قاجى مالعاجى ۇلى.
بۇل الماتىداعى 39- مەشىت ەكەنىن ايتا كەتۋ كەرەك. رۋحاني ورتالىق 2013 - جىلدان باستاپ سالىندى. باستى ەرەكشەلىگى - زامان اعىمىنا ساي كەڭ اۆتو تۇراقپەن قامتىلعان. 3 قاباتتى اۆتوتۇراقتىڭ ءار قاباتىنا 88 كولىك سىيادى. جاڭا مەشىتتە عيبادات ەتۋ بولمەلەرىنەن باسقا ءدىني ساۋات اشۋ بولىمدەرى دە قاراستىرىلعان.
بۇگىن مۇندا ق م د ب ءتوراعاسىنىڭ باستاۋىمەن العاشقى جۇما نامازى وقىلدى. جالپى مەشىتكە كەلگەن قاۋىم ارنايى دەمەۋشىلەرگە جانە قازاقستان مۇسىلماندارى ءدىني باسقارماسىنا العىس بىلدىرۋدە.
اۆتور: گۇلميرا عوسمانالي
