17:02, 30 - شىلدە 2014 | GMT +5
ايگىلى ءانشنى 3 جىلعا كولىك جۇرگىزۋ قۇقىعىنان ايىردى
استانا. قازاقپارات - International» داۋىس» توبىنىڭ بۇرىنعى جەكە ءانشىسى جادىرا قۇتپانوۆا 3 جىلعا كولىك جۇرگىزۋ قۇقىعىنان ايىرىلدى. بۇل تۋرالى الماتى قالالىق سوتتىڭ باسپا ءسوز حاتشىسى قۋاندىق ەشىمەت حابارلادى.
«بۇگىن الماتى اۋدان ارالىق اكىمشىلىك سوتى جادىرا قۇتپانوۆانى ك ر ا ك ب كودەكسىنىڭ 467-بابىنىڭ 1-تارماعى بويىنشا ايىپتى دەپ تانىپ، 3 جىلعا كولىك جۇرگىزۋ قۇقىعىنان ايىردى»، - دەدى ق. ەشىمەت.
ونىڭ ايتۋىنشا سوت وتىرىسىنا ءانشىنىڭ ءوزى كەلمەگەن.
ەستەرىڭىزگە سالا كەتەيىك، Infiniti اۆتوكولىگىن ماس كۇيىندە باسقارعان International» داۋىس» توبىنىڭ بۇرىنعى جەكە ءانشىسى جادىرا قۇتپانوۆا 22- شىلدە كۇنى ۇستالعان بولاتىن. ول پوليتسيا قىزمەتكەرلەرىنە قارسىلىق كورسەتىپ، ءبىرىنىڭ قولىن تىستەپ السا، ەكىنشىسىنىڭ شالبارىن جىرتىپ تاستاۋعا دەيىن بارعان.
