قازاقستان اۋىلدارىنا 3 جىل ىشىندە جوعارى جىلدامدىقتى عالامتور جەتكىزىلەدى

بۇل 3,2 ميلليون ابونەنتتىڭ سەكۋندىنا 20 مەگابايت جىلدامدىقپەن عالامتورعا قولجەتىمدىلىگىن قامتاماسىز ەتەدى.
بۇل تۋرالى Kazpravda.kz كە بەرگەن ەكسكليۋزيۆتى سۇحباتىندا ق ر بايلانىس جانە اقپارات اگەنتتىگىنىڭ ءتوراعاسى اسقار جۇماعاليەۆ ايتتى.
«بۇگىن اۋىلداردا عالامتور EVDO، سونداي-اق ADSL جانە FTTH تەحنولوگياسى بويىنشا تارالادى. ول سەكۋندىنا 3 م بايت جىلدامدىق بەرەدى. بۇدان باسقا 1150 اۋىلدا بايلانىستىڭ وپتوتالشىقتى جەلىلەرى ارقىلى قازىردە 3,2 ميلليون ادام عالامتورمەن قامتىلعان.
كەلەسى جىلى «قازاقتەلەكوم» ا ق-مەن بىرلەسىپ، ءبىز «اۋىلداعى وپتيكامەن» اۋقىمدى جوبانى باستاۋدى جوسپارلاپ وتىرمىز. ونى ىسكە اسىرۋ كەيىنگى 3 جىل ىشىندە اۋىلدىق جەرلەردە وپتوتالشىقتى جەلى سالۋدى بولجايدى. بۇل تاعى دا 3,2 ميلليون ابونەنتتىڭ سەكۋندىنا 20 مبيت جىلدامدىقپەن عالامتورعا قولجەتىمدىلىگىن قامتاماسىز ەتەدى»، - دەپ ويىمەن ءبولىستى ب ا ا باسشىسى. ول باستاپقى كەزەڭدە 1328 اۋىلدىق ەلدى مەكەندەردىڭ 2,3 ميلليون تۇرعىنىن قامتاماسىز ەتەتىنىن اتاپ ءوتتى، كەيىننەن 2600 ەلدى مەكەندى قامتيتىن بولادى.
baq.kz