ءتۇستى مەتاللۋرگياداعى 3 الىپ كاسىپورىن باسشىسى ەلباسىعا سالاداعى احۋال جايىندا باياندادى

استانا. قازاقپارات - شىعىس قازاقستان وبلىسىنىڭ ءتۇستى مەتاللۋرگيا سالاسىنداعى 3 الىپ كاسىپورىن باسشىسى ەلباسى نۇرسۇلتان نازاربايەۆقا كاسىپورىنداردىڭ ەكونوميكاسى جايىندا باياندادى.
None
None

ماسەلەن، «قازمىرىش» ا ق- نىڭ پرەزيدەنتى نيك پوپوۆيچتىڭ اتاپ وتۋىنشە، 3 جىلدان كەيىن تيشينكادا جاڭا جەر استى كەنىشى ىسكە قوسىلاتىن بولادى. ال «قازاقمىس» كورپوراتسياسى» ج ش س- نىڭ باسقارما ءتوراعاسى ەدۋارد وگاي پرەزيدەنتكە اياگوز تۇسىندا اقتوعاي تاۋ- كەن بايىتۋ كەشەنىنىڭ قۇرىلىسى جايىندا باياندادى. ونىڭ اتاپ وتۋىنشە، قۇرىلىستىڭ ءبىرىنشى كەزەڭى اياقتالۋعا جاقىن ءارى كەلەسى جىلى مىس ءوندىرىسىنىڭ قۇرىلىسى باستالادى.

« ءۇلبى مەتاللۋرگيالىق زاۋىتى» باس ديرەكتورى يۋري شاحۆروستوۆتىڭ اتاپ وتۋىنشە، فۋكۋسيماداعى اپاتتان كەيىن ۋراننىڭ الەمدىك باعاسى قۇلدىراپ، جوعارى شەكتى ونىمگە سۇرانىس تومەندەپ وتىر. دەگەنمەن، مۇنداي قيىندىقتارعا قاراماستان كاسىپورىن بىردە- ءبىر جۇمىسشىسىن جۇمىسسىز قالدىرعان جوق. بۇعان قوسا، زاۋىتتاعى جالاقى وسكەمەندەگى ەڭ جوعارى ايلىق بولۋدا.

ءوز كەزەگىندە ن. نازاربايەۆ «يادرولىق ەنەرگيانىڭ» داميتىندىعىن ءارى قازاقستان اتوم ەلەكتر ستانساسىن سالاتىندىعىن اتاپ ءوتتى جانە وعان زاۋىتتى «تارتىپتە» ۇستاۋ قاجەتتىگىن باسا ايتتى.

ايتا كەتەرلىگى، حالىقارالىق نارىقتاعى ءتۇستى مەتالل باعاسىنىڭ قۇلدىراۋى شىعىس قازاقستان وبلىسىنىڭ سىرتقى ساۋدا اينالىمىنا اسەر ەتۋدە. ويتكەنى، بۇل ءوڭىردىڭ نەگىزگى مەتاللۋرگيالىق ونىمدەرى ەكسپورتقا جونەلتىلەدى. ماسەلەن، اعىمداعى جىلدىڭ العاشقى جارتىجىلدىعىندا سىرتقى ساۋدا اينالىمى وتكەن جىلمەن سالىستىرعاندا 13 پايىزعا تومەندەپ وتىر.

 

اۆتور: مارلان جيەمباي 

سوڭعى جاڭالىقتار