استانادا وتەتىن بەسىنشى قۇرىلتايعا 38 ەلدەگى قازاقتار قاتىسادى

استانا. قازاقپارات - بۇگىن ۇكىمەت ۇيىندە ق ر پرەمەر- ءمينيسترىنىڭ ءبىرىنشى ورىنباسارى اسقار ءماميننىڭ توراعالىعىمەن قازاقتاردىڭ V دۇنيەجۇزىلىك قۇرىلتايىن وتكىزۋگە دايىندىق بويىنشا ۇيىمداستىرۋ كوميتەتىنىڭ ءبىرىنشى وتىرىسى ءوتتى.

 ا. مامين 1992 -جىلدان بەرى بەس جىلدا ءبىر رەت قۇرىلتاي وتكىزىلەتىندىگىن ايتتى. بيىل بەسىنشى قۇرىلتاي 22-25 - ماۋسىم ارالىعىندا استانادا وتەدى. شارانىڭ سالتاناتتى اشىلۋى 23 - ماۋسىم كۇنى نازاربايەۆ ۋنيۆەرسيتەتىندە بولادى، دەپ حابارلادى پرەمەر- ءمينيسترىنىڭ باسپا ءسوز قىزمەتى.

وتىرىس بارىسىندا ق ر مادەنيەت جانە سپورت ۆيتسە- ءمينيسترى ا. رايىمقۇلوۆانىڭ، دۇنيەءجۇزى قازاقتارىنىڭ قاۋىمداستىعى ءتوراعاسىنىڭ ءبىرىنشى ورىنباسارى ت. ماماشيەۆتىڭ بايانداماسى تىڭدالدى.

 ا. رايىمقۇلوۆانىڭ ايتۋىنشا، بەسىنشى قۇرىلتايعا الەمنىڭ 38 ەلىنەن قازاق دياسپوراسىنىڭ 350 شەتەلدىك وكىلى، 370 قازاقستاندىق ينتەلليگەنتسيا مەن دۇنيەءجۇزى قازاقتارىنىڭ قاۋىمداستىعىنىڭ وكىلدەرى قاتىسادى. قۇرىلتاي اياسىندا «حاليفا التاي جانە تاريحتىڭ ورالۋى» حالىقارالىق كونفەرەنتسياسى وتەدى، دەلەگاتتار ءۇشىن استانانىڭ كورىكتى جەرلەرىنە، ەكسپو 2017 حالىقارالىق كورمەسىنە، «ەتنو- اۋىل» كەشەنىنە ساياحاتتار ۇيىمداستىرىلادى. ءبىرقاتار مينيسترلىكتەردە دوڭگەلەك ۇستەلدەر مەن سەمينارلار وتكىزىلەدى. وتىرىس قورىتىندىسى بويىنشا ق ر پرەمەر- ءمينيسترىنىڭ ءبىرىنشى ورىنباسارى استانا جانە الماتى قالالارىنىڭ اكىمدىگى مەن مەملەكەتتىك ورگاندارعا ءبىرقاتار ناقتى تاپسىرمالار بەردى. ا. مامين قۇرىلتايدى جوعارى دەڭگەيدە وتكىزۋ كەرەكتىگىن اتاپ ءوتتى.